అమరావతి: డ్రోన్ సమ్మిట్ 2024లో ఏపీ సీఎం చంద్రబాబు నాయుడు డ్రోన్ టెక్నాలజీని ఓ గేమ్‌ ఛేంజర్‌గా అభివర్ణించి, రౌడీ షీటర్లకు, అసాంఘిక శక్తులకు ఉక్కుపాదం వేస్తామని ప్రకటించిన సంగతి తెలిసిందే.
తాజాగా, ఈ విజన్‌ను ఏపీ పోలీసులు నిజం చేసి చూపించారు. అల్లూరి సీతారామరాజు జిల్లాలో పోలీస్ విభాగం డ్రోన్ టెక్నాలజీని ఉపయోగించి 5 ఎకరాల గంజాయి పంటను ధ్వంసం చేయడం చంద్రబాబు చెప్పిన ఆవశ్యకతను మరోసారి ఆవిష్కరించింది.
డ్రోన్ ఆధారిత ఇన్విజిబుల్ పోలీసింగ్ ద్వారా అనైతిక పనులను గుర్తించి చర్యలు తీసుకోవడం సాంకేతిక ప్రగతిలో ఆంధ్రప్రదేశ్‌కు వనరుల మార్గం చూపుతోంది.
అల్లూరి సీతారామరాజు జిల్లాలోని జీ మాడుగుల మండలం డేగలరాయి గ్రామంలో సాగు చేస్తున్న గంజాయి పంటను గుర్తించిన పోలీసులు డ్రోన్ సాయంతో పంటను తగులబెట్టి, దుష్టశక్తులపై చట్టపరమైన చర్యలు తీసుకుంటామన్నారు.
చంద్రబాబు విజన్ 2047 పేరుతో డ్రోన్ టెక్నాలజీ వినియోగం గురించి 20 ఏళ్ల ముందే ఊహించి చేపట్టిన చర్యలపై నెటిజన్లు ప్రశంసలు కురిపిస్తున్నారు. ఐటీ రంగంలో 2020కు ముందే మార్పులు తీసుకొచ్చిన చంద్రబాబు, ఇప్పుడు డ్రోన్ టెక్నాలజీతో భవిష్యత్తుకు మార్గదర్శకత్వం వహిస్తున్నారు.