మూవీడెస్క్: టాలీవుడ్ టాలెంటెడ్ నటుడు సత్యదేవ్ తన విభిన్న పాత్రలతో ప్రేక్షకులను మెప్పించారు.
‘గాడ్ ఫాదర్’లో చిరంజీవికి ప్రతినాయకుడిగా, ‘జ్యోతిలక్ష్మి’లో హీరోగా, అలాగే ‘బ్లఫ్ మాస్టర్’ వంటి సినిమాలతో గుర్తింపు పొందారు.
అయితే, హీరోగా బ్లాక్ బస్టర్ హిట్ కోసం ప్రయత్నిస్తున్నారు.
ఇప్పుడు తన కొత్త సినిమా జీబ్రా విడుదలకు సిద్ధమవుతోంది, దీన్ని ప్రమోట్ చేసే క్రమంలో సత్యదేవ్ పలు ఆసక్తికర వ్యాఖ్యలు చేశారు.
చిన్న సినిమాల పట్ల సత్యదేవ్ ఒక సందేశాన్ని పంపిస్తూ, రివ్యూలు విడుదలైన వెంటనే కాకుండా రెండు రోజుల తర్వాత ఇవ్వడమే మంచిదని అభిప్రాయపడ్డారు.
చిన్న సినిమాలకు ముందస్తు రివ్యూలు, ముఖ్యంగా నెగెటివ్ రివ్యూలు, ప్రేక్షకుల నిర్ణయాలపై ప్రభావం చూపుతాయని, సినిమా థియేటర్‌లో నిలబడే అవకాశం తగ్గుతుందని చెప్పారు.
సత్యదేవ్ చేసిన ఈ వ్యాఖ్యలు ప్రస్తుతం సోషల్ మీడియాలో చర్చనీయాంశం అవుతున్నాయి.
రివ్యూలను కాస్త ఆలస్యంగా ఇవ్వడం వల్ల చిన్న సినిమాలు ప్రేక్షకుల నుండి మరింత ఆదరణ పొందే అవకాశం ఉంటుందని, తద్వారా చిన్న చిత్రాలకు కొంత న్యాయం జరగవచ్చని అభిప్రాయపడ్డారు.