యూఎస్: సాంకేతిక రంగానికి మార్గదర్శిగా నిలుస్తున్న ఎలాన్ మస్క్ తన సంపదతో మరో సంచలనం సృష్టించారు.
టెస్లా మరియు స్పేస్ఎక్స్ సంస్థల విజయాలతో, మస్క్ వ్యక్తిగత సంపద 439.2 బిలియన్‌ డాలర్లకు చేరిందని బ్లూమ్‌బర్గ్ నివేదిక వెల్లడించింది. ప్రపంచంలోనే అత్యధిక సంపద కలిగిన వ్యక్తిగా మస్క్ కొత్త రికార్డు కు చేరుకున్నారు.
టెస్లా స్టాక్స్‌ భారీ వృద్ధి, స్పేస్ఎక్స్ 350 బిలియన్‌ డాలర్ల మార్కెట్ విలువతో ప్రైవేట్ స్టార్టప్‌లలో అగ్రగామిగా నిలవడం ఈ పెరుగుదలకు ప్రధాన కారణాలు.
ప్రత్యేకంగా టెస్లా స్టాక్స్‌ అమెరికాలోని రాజకీయ పరిణామాల నుంచి మద్దతు పొందడం గమనార్హం. రిపబ్లికన్ విజయంతో టెస్లా పోటీదారుల మార్కెట్ తగ్గుదల, మస్క్ సంపదకు మరింత తోడ్పడింది.
స్పేస్ఎక్స్ ప్రైవేట్ స్టార్టప్‌గా మాత్రమే కాకుండా, అమెరికా ప్రభుత్వ ప్రాజెక్టుల్లో కీలక పాత్ర పోషించడం మస్క్ సంస్థల భవిష్యత్తును మరింత బలంగా నిలిపింది.
ఇలాంటివి మస్క్‌ను ప్రపంచ వ్యాపారవేత్తగా మాత్రమే కాకుండా, నూతన ఆవిష్కరణలకు మార్గదర్శిగా నిలిపాయి.