టాలీవుడ్: నితిన్ హీరోగా ప్రస్తుతం నటిస్తున్న సినిమా ‘రంగ్ దే’. ఈ సినిమాలో నితిన్ కి జోడీ గా మహానటి కీర్తి సురేష్ నటింస్తుంది. ఒక పూర్తి ఫామిలీ అండ్ లవ్ ఎంటర్టైనర్ గా ఈ సినిమా రూపొందుతుంది. వరుణ్ తేజ్ ‘తొలిప్రేమ’, అఖిల్ ‘మజ్ను’ సినిమాలు తీసిన డైరెక్టర్ ‘వెంకీ అట్లూరి’ ఈ సినిమాకి దర్శకత్వం వహిస్తున్నాడు. రాక్ స్టార్ దేవి శ్రీ ప్రసాద్ సంగీతం అందించిన ఈ సినిమా నుండి మొదటి పాటని ఇవాళ విడుదల చేసారు. ఈ సినిమా ఆల్బం ని ఒక రొమాంటిక్ పాటతో మొదలుపెట్టారు. ‘ఏమిటో ఇది’ అంటూ సాగే ఈ పాట విన్న తర్వాత పాత దేవి శ్రీ ప్రసాద్ గుర్తుకొస్తాడు. దేవి ఇప్పుడంటే మాస్ బీట్స్ తో ఉర్రూతలూగిస్తున్నారు కానీ కెరీర్ ప్రారంభం లో చాలా లవ్ స్టోరీస్ కి మంచి క్లాసిక్ సంగీతం అందించాడు.
సితార ఎంటర్టైన్మెంట్స్ బ్యానర్ పై సూర్య దేవర నాగవంశీ ఈ సినిమాని నిర్మిస్తున్నాడు. షూటింగ్ ముగింపు దశలో ఉంది. మిగిలిన పార్ట్ షూట్ పూర్తి చేసి త్వరలో విడుదల చేసే ఆలోచనలో ప్రొడ్యూసర్స్ ఉన్నారు. ఈ సినిమా కూడా సంక్రాంతి రేస్ లో ఉంది. సంక్రాతి టైం లో ఇలాంటి ఫామిలీ సినిమాలు దాదాపు హిట్ కొడతాయి. కానీ ఈ సారి కరోనా లాంటి సిచుయేషన్ లో అందునా ఇన్నిరోజులు సినిమాలు ఆగినందువల ఎక్కువ కాంపిటీషన్ ఉండడం వలన ఏ సినిమాలు విడుదల అవుతాయో ఏ సినిమాలు వేచి చూస్తాయో తెలియని పరిస్థితి.