మూవీడెస్క్: ఇండియన్ సినీ అభిమానులు ఎంతగానో ఎదురుచూస్తున్న క్షణం రాబోతుంది. ఐకాన్ స్టార్ అల్లు అర్జున్ నటించిన పుష్ప 2 ట్రైలర్ విడుదలకు సమయం దగ్గరపడుతోంది.
“ద రూల్ టేక్స్ ఓవర్” అంటూ ఇప్పటికే మేకర్స్ విడుదల చేసిన పోస్టర్స్, వీడియోలు సోషల్ మీడియాను షేక్ చేస్తున్నాయి.
త్వరలోనే ట్రైలర్ డేట్‌ను కూడా అధికారికంగా ప్రకటించనున్నట్లు సమాచారం.
2021లో విడుదలైన ‘పుష్ప: ది రైజ్’ అంచనాలకు మించిన విజయం సాధించి, అల్లు అర్జున్ పుష్పరాజ్ పాత్రలో విపరీతమైన క్రేజ్ సంపాదించారు.
పుష్పరాజ్ పాత్రలో ఆయన నటన, మాస్ ఎలిమెంట్స్, దేవిశ్రీ ప్రసాద్ మ్యూజిక్, యాక్షన్ సీన్స్ ప్రేక్షకులను అద్భుతంగా ఆకట్టుకున్నాయి.
ఇప్పుడు సుకుమార్ దర్శకత్వంలో ‘పుష్ప 2’పై భారీ అంచనాలు నెలకొన్నాయి.
ఇక పుష్పరాజ్ కథలో కొత్త మలుపులు ఉండబోతున్నాయట. స్మగ్లింగ్ నుండి రాజకీయాల్లోకి ఎంటర్ అవుతున్న పుష్పరాజ్ పాత్ర కొత్త కోణంలో ఆకట్టుకుంటుందని తెలుస్తోంది.
ఈసారి సుకుమార్ మరింత ఎమోషనల్ ఎలిమెంట్స్ జోడించి పుష్పరాజ్ క్యారెక్టర్‌ని పండించారని టాక్.
డిసెంబర్ 5న ప్రపంచవ్యాప్తంగా అన్ని ప్రధాన భాషల్లో ‘పుష్ప 2: ది రూల్’ విడుదల కానుంది.
ఈసారి దేవిశ్రీ ప్రసాద్ మ్యూజిక్ మరో ప్రత్యేక ఆకర్షణగా నిలవబోతోంది. పాటలు, బ్యాక్‌గ్రౌండ్ స్కోర్ ఇప్పటికే ప్రేక్షకులను ఆకట్టుకునేలా ఉంటుందని అంచనా.
పుష్ప 2 ట్రైలర్ లో ఈ సారి మ్యూజిక్, యాక్షన్ సీక్వెన్స్ ఎలా ఉంటాయనేది ఫ్యాన్స్‌కి పెద్ద ఎగ్జైట్ మెంట్.