మూవీడెస్క్:సెప్టెంబర్ నెల పూర్తవుతున్నా, గేమ్ ఛేంజర్ సినిమా నుంచి అభిమానులకు అప్డేట్స్ రావడం లేదు.
రెండో సాంగ్ వినాయక చవితి సందర్భంగా విడుదల చేస్తామని చెబుతూ పోస్టర్ విడుదల చేశారు, కానీ అప్పటి నుంచి ఎలాంటి సమాచారం లేదు.
సంగీత దర్శకుడు తమన్ సోషల్ మీడియాలో హైప్ క్రియేట్ చేస్తూ, ఎలివేషన్లతో పోస్టులు పెడుతున్నా, అసలు సాంగ్ అప్డేట్ ఇవ్వడం లేదని అభిమానులు అనుకుంటున్నారు.
డైరెక్టర్ శంకర్ ప్రస్తుతం పోస్ట్ ప్రొడక్షన్ పనుల్లో ఉన్నారు. సినిమా విడుదల తేదీగా డిసెంబర్ 20ని అనుకున్నా, ఎడిటింగ్ పనుల్లో జరిగిన మార్పుల కారణంగా ఆలస్యమవుతుందని టాక్.
ఇక సినిమాకు సంబంధించిన ఎడిటర్ విషయంలో కూడా మార్పులు చేసినట్లు తెలుస్తోంది. ఎడిటర్ షామీర్ మహమ్మద్ స్థానంలో అంటోనీ రూబెన్స్ పనిచేస్తున్నారని చెన్నై వర్గాలు వెల్లడిస్తున్నాయి.
ఇటీవల “ఇండియన్ 2” సినిమాకు వచ్చిన విపరీతమైన విమర్శల తర్వాత, శంకర్ ఈ సినిమాతో సక్సెస్ కొట్టాలని చూస్తున్నారు.
రామ్ చరణ్ ద్విపాత్రాభినయం చేస్తున్న ఈ పొలిటికల్ డ్రామా మీద అభిమానుల్లో భారీ అంచనాలు ఉన్నాయి. మరి సినిమా అనుకున్న సమయానికి రిలీజ్ అవుతుందో లేదో చూడాలి.