హైదరాబాద్: ఈరోజు వరల్డ్ ఫోటోగ్రఫీ దినోత్సవం సందర్భంగా మెగాస్టార్ చిరంజీవి తాను మొదట వాడిన కెమెరా ఇలా ఉంటుంది అని పోస్ట్ పెట్టాడు. ఎప్పటి లాగే ముందు హింట్ ఇచ్చి ఆ తర్వాత ఒక పోస్ట్ పెడతాడు. అలాగే ఈరోజు కూడా తాను తీసిన మొదటి పిక్ షేర్ చేస్తానని చెప్పి షేర్ చేసాడు. ఆలా షేర్ చేసి ఆ ఫొటోలో ఉన్న వాళ్ళు మీకు బాగా తెలుసు ఎవరో గెస్ చేయండి అని ట్వీట్ చేసాడు. తాను తీసిన మొదటి పిక్ లో ఉన్నది పవన్ కళ్యాణ్. ఇంకా మెగా ఫాన్స్ అందరూ దాన్ని ట్రెండ్ చేసే పనిలో ఉన్నారు. అలాగే సింగర్ బాలు ఆరోగ్యం పైన కూడా ఒక అప్డేట్ ఇచ్చారు. దేశం గర్వించదగ్గ గాయకుడు ఎస్ పి బాలు తనకి సోదర సమానుడని, ఆయన ఆరోగ్యం మెరుగుపడడం ఆనందంగా ఉందని సెలవిచ్చాడు.
ఈ మద్యే సోషల్ మీడియా లో అడుగు పెట్టిన చిరంజీవి రెగ్యులర్ గా జరిగే హాప్పీనింగ్స్ పైన, అలాగే తన మెమోరీస్ కూడా షేర్ చేసుకుంటాడు. కరోనా సమయంలో తన పోస్ట్ లతో వీడియోలతో చాలా మందికి అవేర్ నెస్ క్రియేట్ చేయడం లో సక్సెస్ అయ్యాడు. ఇప్పటికీ చాలా విషయాల మీద మెగా స్టార్ తన అనుభవాలని షేర్ చేసుకుంటూ చాలా విషయాల మీద అభిప్రాయాలు ట్విట్టర్ ద్వారా తెలుపుతూ ఉంటాడు.