మూవీడెస్క్: దర్శకుడు శంకర్ ప్రస్తుతం గేమ్ ఛేంజర్ చిత్రంపై దృష్టి సారించారు. “భారతీయుడు 2” చిత్రం ఆశించిన విజయాన్ని అందుకోకపోవడంతో, ఇప్పుడు “గేమ్ చేంజర్” హిట్‌ చేయడం శంకర్‌కు అత్యంత కీలకంగా మారింది.
రామ్ చరణ్ ప్రధాన పాత్రలో నటిస్తున్న ఈ సినిమా, మొదట భారీ అంచనాలు పెంచినా, మధ్యలో ప్రమోషన్ లో స్పీడ్ తగ్గడంతో ప్రేక్షకుల్లో ఆసక్తి తగ్గింది.
అయితే, ఇంకా కొంత షూటింగ్ మిగిలి ఉండటంతో, శంకర్ హైదరాబాద్‌లో కొత్త లొకేషన్లలో చిత్రీకరణను పూర్తి చేసే పనిలో ఉన్నారు. ఈ సినిమా కోసం ప్రొడక్షన్ వర్క్ ఫాస్ట్ గా పూర్తి చేయాలని ప్లాన్ చేస్తున్నారు.
విడుదల తేదీపై కూడా కొంత అనుమానాలు నెలకొన్నాయి, దిల్ రాజు చెప్పినట్లు డిసెంబర్ లో సినిమా రావాలి.
అయితే ఇప్పుడు 2025 మార్చిలో “గేమ్ చేంజర్”ను రిలీజ్ చేయాలనే యత్నాలు జరుగుతున్నాయని మరో టాక్ వస్తోంది.
మరి ఇది ఎంతవరకు నిజమో తెలియాలి అంటే మేకర్స్ అఫీషియల్ గా క్లారిటీ ఇవ్వాల్సిందే.
శంకర్ ఈ చిత్రంతో తన ఫామ్‌ను తిరిగి ప్రూవ్ చేసుకోవాలని కృషి చేస్తున్నారు. “గేమ్ చేంజర్” విజయంపై ఫ్యాన్స్‌లో ఆసక్తి, టెన్షన్ కూడా పెరుగుతోంది.
మరి దిల్ రాజు ఈ సినిమాను ఏ విధంగా ప్రమోట్ చేస్తారో చూడాలి.