ఆంధ్రప్రదేశ్: గ్రూప్-2 మెయిన్స్ ఫలితాల సందడి
ఏపీపీఎస్సీ (APPSC) గ్రూప్-2 మెయిన్స్ (Group-2 Mains) ఫలితాలు శుక్రవారం విడుదలయ్యాయి.
ఈ ఏడాది ఫిబ్రవరి 23న 905 ఉద్యోగాల భర్తీకి పరీక్ష నిర్వహించిన సంగతి తెలిసిందే.
ఫలితాలతో పాటు ఫైనల్ కీ కూడా అధికారిక వెబ్‌సైట్‌లో అందుబాటులో ఉంచారు.
1:2 నిష్పత్తిలో ఎంపిక
ధ్రువపత్రాల పరిశీలన కోసం 1:2 నిష్పత్తిలో అభ్యర్థులను ఎంపిక చేసినట్టు ఏపీపీఎస్సీ ప్రకటించింది. స్పోర్ట్స్ తో సహా సాధారణ కోటాలో మొత్తం 2,517 మంది అభ్యర్థులు ఈ దశకు అర్హత సాధించారు. ఎంపికైన వారికి కాల్ లెటర్ల ద్వారా తనిఖీ తేదీలను త్వరలో తెలియజేయనున్నారు.
రోస్టర్ పాయింట్ల వివాదం
గ్రూప్-2 నియామకాల్లో రోస్టర్ పాయింట్ల అంశంపై హైకోర్టు లో కేసు పెండింగ్‌లో ఉంది. ఈ కేసు తుది తీర్పును బట్టి నియామక ప్రక్రియ పూర్తవుతుందని ఏపీపీఎస్సీ (APPSC) స్పష్టం చేసింది. ఈ వివాదం ఫలితాలపై ఎలాంటి ప్రభావం చూపనుందో ఆసక్తి కరంగా మారింది.
ఫైనల్ కీ అందుబాటు
మెయిన్స్ పరీక్ష ఫైనల్ కీ ని అధికారులు వెబ్‌సైట్‌లో ఉంచారని, అభ్యర్థులు దీన్ని డౌన్‌లోడ్ చేసుకోవచ్చని తెలిపారు. ఈ కీ ద్వారా పరీక్షలో తమ పనితీరును అంచనా వేసుకునే అవకాశం అభ్యర్థులకు లభించనుంది. ఫలితాలను చూసేందుకు క్రింది లింక్‌పై క్లిక్ చేయవచ్చు.
ధ్రువపత్రాల తనిఖీకి సన్నాహం
ఎంపికైన 2,517 మంది అభ్యర్థులకు ధ్రువపత్రాల తనిఖీతేదీలను త్వరలో ప్రకటించనున్నారు. కాల్ లెటర్ల ద్వారా ఈ వివరాలను అధికారులు అందజేయనున్నట్టు సమాచారం. అభ్యర్థులు అవసరమైన పత్రాలను సిద్ధంగా ఉంచుకోవాలని సూచించారు.