స్పోర్ట్స్ డెస్క్: ఐపీఎల్ 2025లో ఉత్కంఠ భరిత పోరులో గుజరాత్ టైటాన్స్ జట్టు చరిత్ర సృష్టించింది. దిల్లీ క్యాపిటల్స్ విధించిన 204 పరుగుల లక్ష్యాన్ని గుజరాత్ 19.2 ఓవర్లలో 3 వికెట్లు కోల్పోయి ఛేదించింది.
ఇది ఐపీఎల్ చరిత్రలో ఢిల్లీపై ఏ జట్టు ఛేదించిన అత్యధిక రికార్డ్ లక్ష్యంగా నిలిచింది. జాస్ బట్లర్ (97: 53 బంతుల్లో, 9 ఫోర్లు, 4 సిక్స్‌లు) చెలరేగగా, రూథర్ ఫోర్డ్ (43: 34 బంతుల్లో) మెరుగైన మద్దతుగా నిలిచాడు.
గుజరాత్ జట్టు 3 పరుగులకే శుభ్‌మన్ గిల్ వికెట్ కోల్పోయినప్పటికీ, సుదర్శన్ (36) మంచి ఆరంభం ఇచ్చాడు. అనంతరం బట్లర్, రూథర్‌ఫోర్డ్ జోడీ జోరు చూపించింది. చివర్లో రాహుల్ తెవాటియా (11 నాటౌట్, 3 బంతుల్లో) కీలక సమయంలో సిక్స్, ఫోర్‌తో మ్యాచ్‌ను ముగించాడు.
అంతకుముందు ఢిల్లీ 20 ఓవర్లలో 8 వికెట్లు కోల్పోయి 203 పరుగులు చేసింది. కరుణ్ నాయర్ (31), అక్షర్ పటేల్ (38), అశుతోష్ శర్మ (37) ఆకట్టుకున్నారు. ప్రసిద్ధ్ కృష్ణ 4 వికెట్లు (4 ఓవర్లలో 41 పరుగులు) తీసి ఢిల్లీ బ్యాటింగ్‌కు చెక్ పెట్టాడు.
ఈ విజయం గుజరాత్ టైటాన్స్ ఐపీఎల్ చరిత్రలో గర్వించదగిన ఘనతను తీసుకొచ్చింది. మెరుగైన సమిష్టి ప్రదర్శనతో భారీ లక్ష్యాన్ని ఛేదించిన గుజరాత్ విజయం అభిమానులను ఉర్రూతలూగించింది.