‘సరస్వతీ పవర్’ కేసులో జగన్ పిటిషన్‌పై ఎన్‌సీఎల్‌టీలో విచారణ వాయిదా పడింది
హైదరాబాద్‌: నేషనల్ కంపెనీ లా ట్రైబ్యునల్ (ఎన్‌సీఎల్‌టీ)లో ‘సరస్వతీ పవర్’ షేర్ల బదిలీ కేసులో సీఎం వైఎస్‌ జగన్‌మోహన్‌రెడ్డి దాఖలు చేసిన పిటిషన్‌పై నేడు విచారణ జరిగింది. ఈ కేసులో తనకు తెలియకుండానే తల్లి విజయమ్మ, సోదరి షర్మిల కంపెనీ షేర్లు అక్రమంగా బదిలీ చేసుకున్నారని ఆరోపిస్తూ జగన్ ఇటీవల పిటిషన్‌ వేశారు. ఈ పిటిషన్‌లో విజయమ్మ, షర్మిలతో పాటు జనార్దన్‌రెడ్డిని ప్రతివాదులుగా చేర్చారు.
విచారణలో విజయమ్మ, షర్మిల తరఫు న్యాయవాది కౌంటర్ దాఖలు చేయడానికి సమయం కోరడంతో ఎన్‌సీఎల్‌టీ విచారణను డిసెంబర్‌ 13వ తేదీకి వాయిదా వేసింది. పిటిషన్‌లో జగన్ తన పేరుతో పాటు భారతి, క్లాసిక్ రియాల్టీ పేర్లతో కొనుగోలు చేసిన 51.01 శాతం షేర్లు యథావిధిగా కొనసాగేలా ఆదేశాలు ఇవ్వాలని కోరారు. షేర్ల బదిలీ ఫారాలు, సంబంధిత ఇతర డాక్యుమెంట్లు లేకుండా తన తల్లి, సోదరి తమ పేర్ల మీదకు షేర్లను మార్చుకున్నారని ఆయన ఆరోపించారు.
ఈ కేసు విచారణ అనంతరం సరస్వతీ పవర్ కంపెనీ షేర్ల బదిలీ వివాదం ఎలా పరిష్కారమవుతుందనే దానిపై ఆసక్తి నెలకొంది.