మూవీడెస్క్: రామ్ చరణ్ ప్రధాన పాత్రలో శంకర్ దర్శకత్వంలో తెరకెక్కుతున్న గేమ్ ఛేంజర్ సినిమా సంక్రాంతి కానుకగా జనవరి 10న ప్రేక్షకుల ముందుకు రానుంది.
పొలిటికల్ యాక్షన్ ఎంటర్టైనర్‌గా రూపుదిద్దుకున్న ఈ చిత్రం భారీ బడ్జెట్‌తో తెరకెక్కుతోంది.
ముఖ్యంగా ఈ చిత్రంలోని పాటలు అనూహ్య రేంజ్‌లో ఆకట్టుకునేలా ఉంటాయని సమాచారం.
శంకర్ సినిమాలపై ఎప్పుడూ ఉన్న అంచనాలు పాటల విషయంలో ప్రత్యేకంగా ఉంటాయి.
భారీ సెట్లు, అదిరిపోయే విజువల్స్, నూతన టెక్నాలజీ వినియోగంతో పాటల చిత్రీకరణలో శంకర్ తన మార్క్ చూపిస్తారు.
గేమ్ ఛేంజర్ కోసం ఐదు పాటలను చిత్రీకరించగా, వాటిపై దాదాపు రూ.75 కోట్లు ఖర్చు చేసినట్లు టాక్.
ఇప్పటివరకు విడుదలైన జరగండి, రా మచ్చా మచ్చా, నానా హైరానా, డోప్ పాటలు వాటి గ్రాండ్ విజువల్స్‌తో ప్రేక్షకులను ఆకట్టుకుంటున్నాయి.
జరగండి పాట కోసం 600 మంది డ్యాన్సర్లతో భారీ సెటప్‌లో షూట్ చేయగా, రా మచ్చా మచ్చా కోసం 1,000 మంది జానపద కళాకారులను ఉపయోగించారు.
అలాగే నానా హైరానా పాటను న్యూజిలాండ్‌లో ఇన్‌ఫ్రారెడ్ కెమెరాలతో షూట్ చేయడం ప్రత్యేక ఆకర్షణగా నిలిచింది.
మరోవైపు, డోప్ పాట కోసం రష్యన్ డ్యాన్సర్లతో విభిన్నంగా చిత్రీకరించారు. మొత్తానికి, ఈ పాటలు శంకర్ మార్క్‌ను స్పష్టంగా చూపిస్తాయి.
భారీ బడ్జెట్ ఖర్చుతో పాటలు ప్రేక్షకులకు విజువల్ ట్రీట్‌గా నిలవడం ఖాయమని అభిమానులు ఆశిస్తున్నారు.