జాతీయం: ఐటీలో ఫ్రెషర్లకు భారీ అవకాశాలు.. వచ్చే ఏడాది నియామకాలు(IT Jobs) రెట్టింపు!
వచ్చే ఆర్థిక సంవత్సరంలో ఫ్రెషర్ల నియామకాలు భారీగా పెరిగే అవకాశముంది. పలు పరిశోధనా సంస్థలు వెల్లడించిన నివేదికల ప్రకారం, ఏప్రిల్ నుంచి మొదలుకానున్న ఆర్థిక సంవత్సరంలో 1,50,000 మంది కొత్త ఉద్యోగులను ఐటీ కంపెనీలు నియమించుకునే అవకాశముంది.
ప్రస్తుతం కొనసాగుతున్న ఆర్థిక సంవత్సరంతో పోలిస్తే, ఇది దాదాపు రెట్టింపు నియామకాల పెరుగుదల అని రిక్రూట్‌మెంట్ సంస్థ టీమ్‌లీజ్ తన తాజా నివేదికలో పేర్కొంది. ప్రస్తుతం ఐటీ రంగంలో ఫ్రెషర్ల నియామకాలు 85,000 నుండి 95,000 వరకు ఉంటాయని అంచనా వేస్తుండగా, వచ్చే ఏడాది ఈ సంఖ్య దాదాపు రెట్టింపవుతుందని చెబుతోంది.
ప్రధాన ఐటీ కంపెనీల ప్రణాళికలు
ప్రముఖ ఐటీ కంపెనీలైన యాక్సెంచర్(Accenture Hiring), క్యాప్‌జెమినీ (Capgemini Jobs), కాగ్నిజెంట్ (Cognizant Recruitment) లాంటి సంస్థలు 1,60,000 నుంచి 1,80,000 మందిని నియమించుకునే అవకాశముందని అన్‌ఎర్త్‌సైట్‌ సంస్థ అంచనా వేసింది.
2024లో ఐటీ సంస్థలు ఉద్యోగ నియామకాల్లో మందగమనం కనబరిచాయి. అనేక కంపెనీలు ఉద్యోగ కోతలు అమలు చేయడంతో కొత్త ఉద్యోగాల విషయంలో ఆచితూచి వ్యవహరించాయి. అయితే, 2024-25 ఆర్థిక సంవత్సరంలో పరిస్థితి మెరుగవ్వడంతో, కొత్త ఉద్యోగ అవకాశాలు భారీగా పెరుగుతాయని నిపుణులు భావిస్తున్నారు.
కారణాలు & భవిష్యత్ అవకాశాలు
- అమెరికా అధ్యక్షుడు ట్రంప్‌ టారిఫ్ విధానాలు & గ్లోబల్ మార్కెట్ ప్రభావం కొంతకాలంగా ఐటీ రంగంపై ప్రతికూల ప్రభావం చూపించాయి.
- ఇప్పుడు ఏఐ, క్లౌడ్ కంప్యూటింగ్, డిజిటల్ ట్రాన్స్ఫర్మేషన్ రంగాల్లో అవకాశాలు పెరుగుతున్నాయి.
- ప్రముఖ కంపెనీలు శ్రామిక శక్తిని పెంచేందుకు, ముఖ్యంగా కొత్తగా పట్టభద్రులైన యువతను నియమించేందుకు ఆసక్తి చూపిస్తున్నాయి.
- టీమ్‌లీజ్ డిజిట్‌ చీఫ్ ఎగ్జిక్యూటివ్ నీతి శర్మ ప్రకారం, ఈ నైపుణ్యాలు కలిగిన ఫ్రెషర్లకు మంచి అవకాశాలు లభించనున్నాయి.
కొత్తగా గ్రాడ్యుయేషన్ పూర్తి చేసుకున్న యువతకు ఇది గొప్ప అవకాశం అనే చెప్పాలి. ఐటీ రంగంలో రాబోయే ఏడాదిలో భారీగా నియామకాలు పెరుగుతాయని, ముఖ్యంగా ఏఐ, క్లౌడ్ టెక్నాలజీస్, డిజిటల్ ట్రాన్స్ఫర్మేషన్ రంగాల్లో ఉద్యోగాలు అధికంగా లభిస్తాయని నిపుణులు చెబుతున్నారు.