న్యూయార్క్: అమెరికా అధ్యక్షుడు జో బైడెన్ తన కొడుకు హంటర్ బైడెన్‌కు క్షమాభిక్ష ప్రసాదించడంపై మాజీ అధ్యక్షుడు డొనాల్డ్ ట్రంప్ తీవ్రంగా విమర్శించారు.
హంటర్ బైడెన్ క్రిమినల్ కేసుల్లో దోషిగా తేలినప్పటికీ, అధ్యక్ష హోదాను దుర్వినియోగం చేస్తూ జో బైడెన్ అతనికి క్షమాభిక్ష ఇవ్వడం న్యాయవిరుద్ధమని ట్రంప్ ఆరోపించారు.
హంటర్ బైడెన్ తుపాకీ చట్టాలను ఉల్లంఘించడంలో, ఆదాయపన్ను చెల్లింపులో అక్రమాలకు పాల్పడిన కేసుల్లో దోషిగా తేలారు.
ఈ కేసుల్లో శిక్ష ఖరారు కాకముందే, జో బైడెన్ తన అధికారం ఉపయోగించి కొడుకును రక్షించుకోవడంలో నిమగ్నమయ్యారని ట్రంప్ మండిపడ్డారు.
హంటర్‌కు క్షమాభిక్ష ఇవ్వడం పక్షపాత ధోరణికి నిదర్శనమని, అదే సమయంలో క్యాపిటల్ హిల్ హింసకు సంబంధించి బందీలను విడుదల చేయకపోవడం విపరీతమైన తీరని ట్రంప్ విమర్శించారు.
ఇదే సందర్భంలో, బైడెన్ గతంలో ఈ కేసుల్లో తాను కల్పించుకోబోనని చేసిన ప్రకటనకు పూర్తి వ్యతిరేకంగా వ్యవహరించారని ట్రంప్ అభిప్రాయపడ్డారు.
హంటర్ బైడెన్ కేసుల్లో అందరికంటే పైచేయిగా వ్యవహరించడమే కాకుండా, న్యాయసూత్రాలను దోషుల పక్షాన మలుచుకున్నారని ట్రంప్ అన్నారు.
ప్రెసిడెంట్ బైడెన్ తీసుకున్న ఈ నిర్ణయం రాజకీయవర్గాల్లో తీవ్ర దుమారం రేపుతోంది. అమెరికా ప్రజలకు ఈ తీరుపై స్పష్టత ఇవ్వాలని బైడెన్‌ను పలువురు రాజకీయ విశ్లేషకులు డిమాండ్ చేస్తున్నారు.