అమెరికా: యూఎస్ అధ్యక్ష ఎన్నికల సందర్భంగా భారత సంతతి పౌరులు తమ ముద్ర వేస్తూ గర్వకారణంగా నిలిచారు. మొత్తం 9 మంది భారత సంతతి నాయకులు ఎన్నికల్లో పోటీచేయగా, ఇప్పటికే ఆరుగురు విజయం సాధించారు. ప్రతినిధుల సభలో భారత సంతతి నాయకుల ప్రాతినిధ్యం పెరగడం గమనార్హం.
ఈ విజయాలతో భారత సంతతి వ్యక్తులు అమెరికా రాజకీయాల్లో తమ స్థానం మరింత బలపర్చుకుంటున్నారు. ముఖ్యంగా వర్జీనియా స్టేట్ సెనేటర్‌గా ఉన్న సుహాస్ సుబ్రమణ్యం తొలిసారి ప్రతినిధుల సభకు గెలిచారు, అమెరికాలో భారతీయుల ప్రతిష్టను పెంచారు.
అలాగే, మిచిగాన్ నుంచి శ్రీధానేదార్, ఇల్లినోయిస్ నుంచి రాజా కృష్ణమూర్తి, కాలిఫోర్నియా నుంచి రో ఖన్నా, వాషింగ్టన్ నుంచి ప్రమీలా జయపాల్, కాలిఫోర్నియా నుంచి డాక్టర్ అమిబెరా కూడా తమ ప్రతినిధిత్వాన్ని విజయవంతంగా కొనసాగిస్తున్నారు.
ఈ విజయాలు భారత సంతతి వ్యక్తుల ప్రతిభను చాటుతూ, అమెరికా ప్రజాస్వామ్యంలో భారతీయ సమాజానికి ఉన్న విలువను హైలైట్ చేస్తున్నాయి. భారతీయులు తమ కృషి, సమర్థతతో ఆ దేశ ప్రజల మనసును గెలుచుకుని, ప్రజాస్వామ్యంలో శ్రద్ధనిస్తారనే విషయాన్ని ఈ విజయాలు మరోసారి నిరూపిస్తున్నాయి.