మూవీడెస్క్: ‘డీజే టిల్లు’ సినిమాతో యువతలో విపరీతమైన క్రేజ్ సంపాదించిన సిద్ధు జొన్నలగడ్డ, తన ప్రత్యేకమైన నటన, కామెడీ టైమింగ్‌తో ఆడియన్స్‌ను ఆకట్టుకున్నాడు.
ఇప్పుడు మరో కొత్త ప్రాజెక్ట్ కోసం సిద్ధు సిద్ధమవుతున్నాడు.
ఈసారి కూడా సితార ఎంటర్‌టైన్‌మెంట్ బ్యానర్‌పై మరో ఆసక్తికర చిత్రం రాబోతుంది.
‘డీజే టిల్లు’తో సితార ఎంటర్‌టైన్‌మెంట్స్ బ్యానర్‌లో బ్లాక్‌బస్టర్ హిట్ అందుకున్న సిద్ధు, ఇప్పుడు మళ్లీ అదే బ్యానర్‌తో కొత్త ప్రాజెక్ట్ చేయబోతున్నాడు.
ఈ ప్రాజెక్ట్‌కు రవికాంత్ పేరెపు దర్శకత్వం వహించనున్నాడు.
ఇటీవల రవికాంత్‌తో సిద్ధు చేసిన ‘కృష్ణ అండ్ హిజ్ లీలా’ సినిమా మంచి విజయం సాధించింది.
ఇప్పుడు మరోసారి వీరి కాంబోలో రాబోతున్న కొత్త ప్రాజెక్ట్‌కు, సరికొత్త కథాంశంతో సిద్ధవుతున్నారు.
ఈసారి కథ మైథలాజికల్ బ్యాక్‌డ్రాప్‌లో సాగనుందని సమాచారం.
రవికాంత్ తన గత ప్రాజెక్ట్‌లతో నిరూపించినట్టు, ఈసారి కూడా కొత్త తరహా కథతో ప్రేక్షకుల ముందుకు రావడానికి రెడీ అవుతున్నారు.
ప్రస్తుతం సిద్ధు ‘జాక్’ మరియు ‘తెలుసు కదా’ చిత్రాలతో బిజీగా ఉన్నప్పటికీ, అవి పూర్తయ్యాక రవికాంత్ ప్రాజెక్ట్‌పై పూర్తి ఫోకస్ పెట్టనున్నాడు.
కొత్త ప్రాజెక్ట్‌లో సిద్ధు ఏ పాత్రలో కనిపించబోతున్నాడనే అంశం ప్రేక్షకుల్లో ఆసక్తిని పెంచుతోంది.
ఇది కూడా చదవండి: వేణు ఎల్దండి నెక్స్ట్ మూవీపై ఉత్కంఠ