ఏపీ: వైసీపీ సీనియర్ నేత, మాజీ ఐఏఎస్ అధికారి ఇంతియాజ్ అహ్మద్ పార్టీకి రాజీనామా చేశారు. ఈ మేరకు ఇవాళ ఆయన కీలక ప్రకటన చేశారు.
రాజకీయాల నుంచి తప్పుకుని, ఇకపై సామాజిక సేవా కార్యక్రమాల్లోనే కొనసాగుతానని వెల్లడించారు. కుటుంబ సభ్యుల సూచన మేరకే ఈ నిర్ణయం తీసుకున్నట్లు చెప్పారు.
2019 ఎన్నికల తర్వాత ఇంతియాజ్ అహ్మద్ వైసీపీలో చేరి కర్నూలు నియోజకవర్గానికి ఇన్‌చార్జిగా నియమితులయ్యారు.
అదే సంవత్సరంలో జరిగిన అసెంబ్లీ ఎన్నికల్లో కర్నూలు వైసీపీ అభ్యర్థిగా పోటీచేసి ఓటమిపాలయ్యారు. ఈ స్థానం నుంచి టీడీపీ అభ్యర్థి టీజీ భరత్ విజయం సాధించారు.
అప్పటి నుంచి ఇంతియాజ్ అహ్మద్ పార్టీ కార్యక్రమాల్లో పెద్దగా పాల్గొనలేదు. కృష్ణా జిల్లా కలెక్టర్‌గా సేవలు అందించిన ఇంతియాజ్ అహ్మద్ రాజకీయాల్లోకి ప్రవేశించడంపై అప్పట్లో పెద్ద ఎత్తున చర్చ జరిగింది.
వైసీపీ అధినేత జగన్ ఆయన్ను ప్రోత్సహించి కీలక బాధ్యతలు అప్పగించారు. అయితే, ఎన్నికల్లో ఓటమి, నియోజకవర్గంలోని రాజకీయ పరిస్థితులు ఆయన రాజకీయ భవిష్యత్తుపై ప్రభావం చూపినట్లు తెలుస్తోంది.