మూవీడెస్క్: అక్కినేని అఖిల్ కి ఇప్పుడు మంచి హిట్ కావాల్సిన టైమ్. ‘మోస్ట్ ఎలిజిబుల్ బ్యాచ్‌లర్‌’తో సక్సెస్‌ దక్కించుకున్నా, ‘ఏజెంట్‌’ చిత్రం ప్లాప్ కావడంతో కొంత టైం బ్రేక్‌లోనే ఉన్నాడు.
ఈ గ్యాప్‌లో ఎలాంటి కొత్త ప్రాజెక్ట్‌ అనౌన్స్ చేయలేదు. కానీ ఇప్పుడు అతడి తదుపరి సినిమా గురించి ఇంట్రెస్టింగ్‌ న్యూస్‌ బయటకొచ్చింది.
ఇప్పటికే అఖిల్ ‘వినరో భాగ్యము విష్ణు కథ’ ఫేం మురళి కృష్ణతో ఓ సినిమా చేయనున్నాడని సమాచారం.
అన్నపూర్ణ స్టూడియోస్‌ బ్యానర్‌పై అక్కినేని నాగార్జున ఈ చిత్రాన్ని నిర్మించనున్నారని తెలుస్తోంది. ఈ సినిమా పిరియాడిక్ యాక్షన్ డ్రామాగా ఉండబోతుందట.
తిరుపతి నేపథ్యంలో సాగే ఈ కథపై ఫిలింనగర్‌లో ఊహాగానాలు పెరిగిపోయాయి.
ఇప్పుడున్న వార్తల ప్రకారం, ఈ చిత్రం గతంలో నాగార్జున నటించిన ‘గోవింద గోవింద’ తరహాలో ఉంటుందట.
అప్పట్లో రాంగోపాల్ వర్మ ఈ చిత్రాన్ని రీడిఫైన్ చేసిన విధానం అందరికీ తెలుసు. దీంతో ఈ సినిమాని రీమేక్‌గా చూసేలా ఊహాగానాలు వెలువడుతున్నాయి.
కానీ, మురళి తనదైన కొత్త కథ రూపొందిస్తున్నట్లు టాక్ వినిపిస్తోంది. అఖిల్ కూడా ఈ సినిమా కోసం సీరియస్‌గా ప్రిపేర్ అవుతున్నాడు.
తన లుక్, బాడీ లాంగ్వేజ్‌లో చాలా మార్పులు చేస్తున్నట్లు సమాచారం. ఈ సినిమా ఏ రేంజ్ హిట్ అవుతుందో చూడాలి.
కానీ అఖిల్‌కి తప్పకుండా ఒక స్ట్రాంగ్ కమర్షియల్‌ సక్సెస్‌ దక్కాల్సిన సమయం ఇది.
త్వరలోనే ఈ మూవీ గురించి అధికారిక ప్రకటన వెలువడనుంది.