ఇండియన్ స్పేస్ రీసెర్చ్ ఆర్గనైజేషన్ (ISRO)లో ఉద్యోగం సంపాదించడం చాలా మంది కల. ఈ నేపథ్యంలో ఇస్రో తాజాగా ఉద్యోగ నోటిఫికేషన్ విడుదల చేసింది. మెడికల్ ఆఫీసర్, సైంటిస్ట్, డ్రాఫ్ట్స్‌మెన్ తదితర విభాగాల్లో 103 ఖాళీల భర్తీకి ఇస్రో ఈ నోటిఫికేషన్ జారీ చేసింది.
ఖాళీల వివరాలు:
- మెడికల్ ఆఫీసర్ (MO) – 3 పోస్టులు
- సైంటిస్ట్/ఇంజనీర్ (SC) – 10 పోస్టులు
- టెక్నికల్ అసిస్టెంట్ (TA) – 28 పోస్టులు
- సైంటిఫిక్ అసిస్టెంట్ (SA) – 1 పోస్టు
- టెక్నీషియన్ (B) – 43 పోస్టులు
- డ్రాఫ్ట్స్‌మెన్ (B) – 13 పోస్టులు
- అసిస్టెంట్ (ఆఫిషియల్ లాంగ్వేజ్) – 5 పోస్టులు
మొత్తం 103 ఖాళీలు అందుబాటులో ఉన్నాయి.
వేతన వివరాలు:
ఈ పోస్టులకు ఎంపికైన అభ్యర్థులకు వేతనం పోస్టుల ఆధారంగా రూ.21,700 నుండి రూ.2,08,700 వరకు ఉంటుంది.
విద్యార్హతలు:
- మెడికల్ ఆఫీసర్: 60% మార్కులతో MBBS పూర్తి చేసి, కనీసం 2 సంవత్సరాల అనుభవం అవసరం.
- సైంటిస్ట్/ఇంజనీర్, టెక్నికల్ అసిస్టెంట్: M.E./M.Tech పూర్తి చేసి ఉండాలి.
- టెక్నీషియన్: సంబంధిత విభాగంలో B.Sc డిగ్రీ.
- డ్రాఫ్ట్స్‌మెన్: సంబంధిత ఐటీఐ సర్టిఫికెట్.
- అసిస్టెంట్ (ఆఫిషియల్ లాంగ్వేజ్): కనీసం 60% మార్కులతో బ్యాచిలర్స్ డిగ్రీ.
వయోపరిమితి:
- మెడికల్ ఆఫీసర్ (SD, SC): 18 నుండి 35 సంవత్సరాలు
- సైంటిస్ట్ ఇంజనీర్ (SC): 18 నుండి 30 సంవత్సరాలు
- ఇతర పోస్టులు: 18 నుండి 35 సంవత్సరాల మధ్య.
SC, ST అభ్యర్థులకు 5 సంవత్సరాలు మరియు OBC అభ్యర్థులకు 3 సంవత్సరాలు వయో సడలింపు ఉంటుంది.
ఎంపిక ప్రక్రియ:
అభ్యర్థులను రాత పరీక్ష మరియు ఇంటర్వ్యూ ఆధారంగా ఎంపిక చేస్తారు.
దరఖాస్తు విధానం:
అభ్యర్థులు అక్టోబర్ 9 లోగా అధికారిక వెబ్‌సైట్ ISRO Careers ద్వారా దరఖాస్తు చేయాలి. దరఖాస్తు రుసుము రూ.100, ఎస్సీ, ఎస్టీ, మాజీ సైనికోద్యోగులకు ఫీజు మినహాయింపు ఉంటుంది.