టాలీవుడ్: ‘ఏజెంట్ సాయి శ్రీనివాస ఆత్రేయ’ సినిమా ద్వారా పరిచయం అయ్యి యాక్టింగ్ తో పాటు మంచి కామెడీ టైమింగ్ ఉన్న నటుడిగా గుర్తింపు తెచ్చుకున్న హీరో నవీన్ పోలిశెట్టి. ప్రస్తుతం ఈ హీరో తన రెండవ సినిమాతో రాబోతున్నాడు. నవీన్ పోలిశెట్టి, ప్రియదర్శి, రాహుల్ రామకృష్ణ ముగ్గురు కలిసి పూర్తి కామెడీ ఎంటర్టైనర్ తో మన ముందుకు రాబోతున్నారు. ‘జాతి రత్నాలు’ అనే టైటిల్ తో రూపొందిన ఈ సినిమాని ‘స్వప్న సినిమా’ బ్యానర్ పై మహానటి డైరెక్టర్ నాగ్ అశ్విన్ నిర్మించారు. కే.వి.అనుదీప్ అనే నూతన దర్శకుడు ఈ సినిమాని డైరెక్ట్ చేసారు.
ఈ రోజు ఈ సినిమాకి సంబందించిన ‘జాతి రత్నాలు’ అనే టైటిల్ సాంగ్ రిలీజ్ చేసారు మూవీ మేకర్స్. ఈ పాటలో లిరిక్స్ కాచీ గా ఆకట్టుకున్నాయి. సినిమాలో నటులు ఎంత కామెడీ చేసారో కొన్ని సీన్స్ కూడా చూపించారు. గల్లీల్లో పని పాట లేకుండా తిరిగే ఫ్రెండ్స్ ఎలాంటి అల్లరి పనులు చేస్తారో, వాల్ల డైలీ రొటీన్ ని కంపేర్ చేస్తూ రాసిన లిరిక్స్ ఆకట్టుకున్నాయి. రాహుల్ సిప్లిగంజ్ ఆలపించిన ఈ పాట, ఈ పాటలోని ఆక్టర్స్ చేసే అల్లరి సీన్స్ బాగా ఆకట్టుకుంటున్నాయి. రాడాన్ ఈ సినిమాకి సంగీతం అందించాడు. మహా శివరాత్రి సందర్భంగా మార్చ్ 11 న ఈ సినిమా థియేటర్లలో విడుదల అవుతుంది.