టాలీవుడ్: హీరోగా చాలా సంవత్సరాలు ఫామిలీ మూవీస్ తో సూపర్ హిట్స్ సాధించిన తర్వాత కొంత గ్యాప్ తీసుకుని లెజెండ్ సినిమాలో లో విలన్ గా నటించాడు జగపతి బాబు. అప్పటి నుండి జగపతి బాబు వెనక్కి చూసుకుంది లేదు. అటు విలన్గా, ఇటు క్యారెక్టర్ ఆర్టిస్ట్ గా , కొన్ని ప్రత్యేక పాత్రల్లో మెరుస్తూ హీరోగా నటించినప్పటికన్నా ఎక్కువ పేరు సంపాదించాడు. వేరే భాషల్లో కూడా నటిస్తూ చాలా బిజీ అయ్యాడు. జగపతి పాటు ప్రధాన పాత్రలో ‘ FCUK ‘ (ఫాదర్ చిట్టి ఉమా కార్తీక్) అనే చిత్రం రూపొందింది. నాని తో ‘అలా మొదలైంది’ లాంటి సినిమాని రూపొందించిన ‘శ్రీ రంజిత్ మూవీస్’ ఈ సినిమాని రూపొందించింది.
ఈ సినిమాలో జగపతి బాబు ’60 బట్ 16 ‘ అనే టాగ్ లైన్ తో రాబోతున్నాడు. అంటే ఈ సినిమాలో జగపతి బాబు వయసు ఎక్కువ ఉన్న పాత్ర అయినప్పటికి నాటీ నెస్ ఎక్కువ ఉంటుందని హింట్ ఇచ్చారు. ఈ సినిమా మొత్తం జగపతి బాబు చుట్టూనే తిరుగుతుందని కూడా మూవీ మేకర్స్ తెలిపారు. ఈరోజు ఈ సినిమా టైటిల్ తో పాటు ఫస్ట్ లుక్ పోస్టర్ కూడా విడుదల చేసారు మూవీ మేకర్స్. షూటింగ్ పూర్తి చేసుకొని పోస్ట్ ప్రొడక్షన్ పనుల్లో ఉన్న ఈ సినిమా జనవరి 2021 లో విడుదలకి సిద్ధంగా ఉంది. ఈ సినిమాలో జగపతి బాబుతోపాటు ‘రామ్ కార్తీక్’ , ‘అమ్ము అభిరామి’ నటిస్తున్నారు.