ఏపీ: శ్రీకాకుళం, విజయనగరం, విశాఖ ఉపాధ్యాయ ఎమ్మెల్సీ ఎన్నికల్లో పాకలపాటి రఘువర్మకు జనసేన పార్టీ మద్దతు ప్రకటించింది. ఈ మేరకు పార్టీ అధినేత పవన్ కళ్యాణ్ నిర్ణయం తీసుకుని, పార్టీ శ్రేణులకు దిశానిర్దేశం చేశారు.
తూర్పు, పశ్చిమ గోదావరి, కృష్ణా, గుంటూరు పట్టభద్రుల ఎమ్మెల్సీ ఎన్నికల్లో కూటమి అభ్యర్థులకు జనసేన అండగా నిలిచినట్లే, ఈ ఉపాధ్యాయ ఎమ్మెల్సీ ఎన్నికల్లోనూ రఘువర్మకు మద్దతుగా పని చేయాలని పవన్ సూచించారు.
ఈ నేపథ్యంలో జనసేన రాజకీయ వ్యవహారాల చైర్మన్ నాదెండ్ల మనోహర్ ఉత్తరాంధ్ర జనసేన నేతలతో టెలీకాన్ఫరెన్స్ సమావేశం నిర్వహించారు. సార్వత్రిక ఎన్నికలలో ప్రదర్శించిన సమర్పణను ఎమ్మెల్సీ ఎన్నికల్లోనూ చూపాలని పిలుపునిచ్చారు.
ఈ ఎన్నికల కోసం ఫిబ్రవరి 27న పోలింగ్ జరుగనుండగా, మార్చి 3న ఫలితాలను ప్రకటించనున్నారు. జనసేన మద్దతు ప్రకటనతో ఉపాధ్యాయ వర్గంలో చర్చ మొదలైంది.