ఇంటర్నెట్ డెస్క్: న్యాయవ్యవస్థ తప్పు పడితే ఒక్కొక్కరి జీవితం తుడిచిపెట్టుకుపోతుంది. జపాన్‌లో ఇవావో హకమడ అనే వ్యక్తి అనుభవించిన ఓ చేదు అనుభవం ఇప్పుడు ప్రపంచవ్యాప్తంగా చర్చనీయాంశమైంది. నేరం చేయని వ్యక్తిగా కూడా 46 ఏళ్ల పాటు జైల్లో గడిపిన హకమడ చివరికి నిర్దోషిగా బయటపడి కోర్టులో న్యాయంగా గెలిచారు.
1966లో జరిగిన నాలుగు హత్యల కేసులో హకమడపై పోలీసులు బలవంతపు ఒప్పుకోలు పొందినట్టు ఆరోపణలున్నాయి. దుస్తులపై ఉన్న రక్తం ఆధారంగా ఆయనపై నేరం మోపారు. 1968లో ఆయనకు మరణశిక్ష విధించగా, దశాబ్దాలుగా అతను జైలులోనే గడిపారు.
ఆ తర్వాత న్యాయపరమైన పరిశీలనలో, ఆరోపణలు అబద్ధమని, సాక్ష్యాలన్నీ కల్పించబడ్డవని హక్కమడ తరఫు న్యాయవాదులు నిరూపించారు. చివరికి జపాన్ కోర్టు ఆయనను పూర్తిగా నిర్దోషిగా ప్రకటించింది. దీనితో పాటు, ఆయన జీవితాన్ని నష్టపరిహరించేందుకు అక్కడి గవర్నమెంట్ రూ.20 కోట్లు ఇవ్వాలని ఆదేశించింది.
న్యాయవిధానం తరచూ ఆలస్యమైనా, ఒక్కసారి నిజం వెలుగులోకి వస్తే న్యాయం జరగడం సంబరంగా మారుతుంది. కానీ అతని కీలకమైన జీవిత కాలం మొత్తం జైల్లోనే ఉండడం అత్యంత దారుణమైన విషయం అని నెటిజన్లు కామెంట్ చేస్తున్నారు.