మూవీడెస్క్: ఇటీవలి కాలంలో టాలీవుడ్‌లో హాట్ టాపిక్‌గా మారిన హీరోల్లో కిరణ్ అబ్బవరం ఒకరు.
ఎలాంటి బ్యాగ్రౌండ్ లేకుండా ఇండస్ట్రీలోకి వచ్చినా, వరుసగా సినిమాలతో తనకంటూ ప్రత్యేక గుర్తింపును తెచ్చుకున్నాడు.
తన కెరీర్‌లో బిగ్గెస్ట్ హిట్ కోసం కిరణ్ నటించిన తాజా చిత్రం క, దీపావళి కానుకగా అక్టోబర్ 31న విడుదలైంది.
సందీప్, సుజిత్ కలిసి రూపొందించిన ఈ థ్రిల్లింగ్ కథా చిత్రం విడుదలకు ముందే మంచి హైప్ అందుకుంది.
విడుదల తర్వాత కూడా పాజిటివ్ టాక్‌తో మంచి వసూళ్లు సాధిస్తూ కిరణ్ కెరీర్‌లోనే హైయెస్ట్ ఓపెనింగ్ అందుకుంది.
తాజాగా ఈ విజయాన్ని సెలబ్రేట్ చేస్తూ, చిత్ర బృందం హైదరాబాద్‌లో సక్సెస్ మీట్ నిర్వహించింది.
ఈ సందర్భంగా మీడియా క సీక్వెల్‌పై ప్రశ్నలు అడగగా, కిరణ్ అబ్బవరం క్లారిటీ ఇచ్చాడు.
“క మూవీకి సీక్వెల్ ఉంటుంది, కేవలం వారం రోజుల్లోనే అధికారిక ప్రకటన రాబోతుంది” అంటూ ప్రకటించాడు.
క చిత్రం శ్రీ చక్రాస్ ఎంటర్‌టైన్‌మెంట్ బ్యానర్‌పై చింతా గోపాలకృష్ణా రెడ్డి నిర్మించారు.
ఇందులో నయన్ సారిక, తన్వీ రామ్ హీరోయిన్లుగా నటించగా, సామ్ సి.ఎస్ సంగీతాన్ని అందించారు.
క మూవీ సీక్వెల్‌పై అంచనాలు భారీగా పెరుగుతున్నాయి.