టాలీవుడ్: నందమూరి వారసుడిగా పరిచయం అయ్యి అడపా దడపా హిట్లు కొడుతూ హీరోగానే కాకుండా నిర్మాతగా కూడా మంచి సినిమాలు రూపొందిస్తున్న నటుడు నందమూరి కళ్యాణ్ రామ్. ఈ రోజు నందమూరి కళ్యాణ్ రామ్ పుట్టిన రోజు సందర్భంగా కళ్యాణ్ రామ్ చేస్తున్న సినిమా అప్ డేట్స్ విడుదల చేసారు. అతనొక్కడే సినిమాతో మంచి సక్సెస్ సాధించిన కళ్యాణ్ రామ్ ఆ తరువాత ఈ మధ్య కాలంలో ‘పటాస్’ అనే సినిమాతో మరో విజయం సాధించాడు. ఆ తర్వాత మరో రెండు మూడు సినిమాలు చేసినప్పటికీ ఏవి ఆశించిన ఫలితాలు రాబట్టలేదు. ప్రస్తుతం భీంభిసార అనే చారిత్రాత్మక సినిమాలో నటిస్తున్నాడు.
ప్రస్తుతం హిట్ కోసం పరితపిస్తున్న కళ్యాణ్ రామ్ దిల్ రాజు నిర్మాణంలో సినిమా చేయనున్నాడు. ఈ రోజు ఈ సినిమాకి సంబందించిన ప్రకటనతో పాటు ఒక పోస్టర్ విడుదల చేసారు. ‘క్రైమ్ సీన్ డు నాట్ క్రాస్’ అని ఉన్న ఒక పోస్టర్ విడుదల చేసారు. ఇది ఒక మిస్టీరియస్ క్రైమ్ ఇన్వెస్టిగేషన్ సినిమా అని అర్ధం అవుతుంది. సినిమాటోగ్రాఫర్ గా ఎన్నో సక్సెస్ఫుల్ సినిమాలకి పని చేసిన డైరెక్టర్ కే.వీ.గుహన్ దర్శకత్వం లో కళ్యాణ్ రామ్ నటించనున్నాడు. కళ్యాణ్ రామ్ తో ఇదివరకే ‘118 ‘ సినిమాకి పని చేసిన కే.వీ.గుహన్ ఈ సినిమాతో రెండో సారి కళ్యాణ్ రామ్ ని డైరెక్ట్ చేయబోతున్నాడు. కళ్యాణ్ రామ్ 20 వ సినిమాగా రూపొందుతున్న ఈ సినిమాని శ్రీ వెంకటేశ్వరా క్రియేషన్స్ బ్యానర్ పై దిల్ రాజు ఈ సినిమాని నిర్మించనున్నారు.