టాలీవుడ్: సీరియల్ హత్యల నేపధ్యం లో ఇప్పటికి మనం చాలా సినిమాలు చూసే ఉంటాం. ఇలాంటి థ్రిల్లర్ మూవీస్ ఎన్ని వచ్చినా ఎదో ఒక కొత్త రకం ట్విస్ట్ తో ఆకట్టుకుంటూనే ఉంటాయి. ఇలాంటి సినిమాల్లో కిల్లర్ కి ఉండే మోటివ్, గ్రిప్పింగ్ స్క్రీన్ ప్లే సినిమా హిట్ అవడం లో ముఖ్య పాత్ర పోషిస్తాయి. ప్రస్తుతం అలాంటి ఒక థ్రిల్లర్ సినిమా ‘కనపడుట లేదు’ అనే టైటిల్ తో రాబోతుంది. ఈ సినిమాలో సీనియర్ కమెడియన్, హీరో సునీల్ ఒక డిటెక్టివ్ పాత్రలో కనిపించనున్నాడు. ఈ సినిమాకి సంబందించిన టీజర్ విడుదలైంది.
పోలీసులు పెద్ద విషయాల్ని మాత్రమే పెద్దగా చూస్తారు అదే డిటెక్టివ్ ఐతే చిన్న విషయాల్ని కూడా పెద్దగా చూస్తారు అనే సునీల్ డైలాగ్ తో ట్రైలర్ ఆరంభం అవుతుంది. అలాగే మర్డర్ మిస్టరీ ని ఛేజ్ చేసే కొన్ని సీన్స్ చూపించారు. మనుషులకి రెండు ఫేసెస్ ఉంటాయి. ఒకటి మంచిగా నవ్వుతూ ఉండే మంచిగా మాట్లాడే ఫేస్ మరొకటి మిస్టీరియస్ ఫేస్. ఇలా సిటీ లో జరిగే వరుస హత్యల వెనుక ఒక ముసుగు మనిషి ఉన్నట్టు చూపిస్తారు. ఈ ముసుగు మనిషి ఎవరు అనే మిస్టరీ ఆధారంగా సినిమా ఉండబోతుంది అని అర్ధం అవుతుంది.
ఈ సినిమాలో సునీల్ తో పాటు వైశాలి రాజ్, సుక్రాంత్ వీరెల్ల, హిమజ, ప్రవీణ్, యుగ్రమ్, రవి వర్మ, కిరీటి, ధర్మ రాజు, కంచర్లపాలెం కిషోర్ ముఖ్య పాత్రల్లో నటిస్తున్నారు. సతీష్ రాజు, దిలీప్ కూరపాటి, శ్రీనివాస్ కిషన్ ఆనపు, దేవి ప్రసాద్ బలివాడ సంయుక్తంగా ఈ సినిమాని నిర్మించారు. ఎం.బాలరాజు అనే నూతన దర్శకుడు ఈ సినిమాని డైరెక్ట్ చేసారు. ఈ సినిమాని మరి కొద్దీ రోజుల్లో స్పార్క్ ఓటీటీ లో విడుదల చేయనున్నారు.