మంచు విష్ణు ప్రతిష్టాత్మకంగా నిర్మిస్తున్న కన్నప్ప విడుదలకు ఇంకా 43 రోజులు మాత్రమే ఉంది. ఇప్పటివరకు విడుదలైన రెండు పాటలు మంచి స్పందన పొందాయి. సంగీత దర్శకుడు స్టీఫెన్ దేవస్సి కొత్తవాడైనా, ఆయన మ్యూజిక్ ప్రేక్షకులను ఆకట్టుకుంటోంది. మరికొన్ని పాటలు కూడా హై స్టాండర్డ్స్‌లో ఉంటాయని టాక్.
ఇప్పటికీ కన్నప్ప థియేట్రికల్, ఓటీటీ, శాటిలైట్ హక్కుల బిజినెస్ పూర్తిగా క్లియర్ కాలేదు. కారణం – విష్ణు తక్కువ రేట్లకు అమ్మడం కన్నా ట్రైలర్ హైప్‌ను ఉపయోగించుకోవాలని చూస్తున్నాడు. ప్రభాస్, మోహన్ లాల్, అక్షయ్ కుమార్, శరత్ కుమార్ లాంటి భారీ కాస్టింగ్‌తో సినిమా అంచనాలు పెరుగుతున్నాయి.
విష్ణు శ్రీకాళహస్తిలో గ్రాండ్ ప్రీ రిలీజ్ ఈవెంట్ చేయాలని ప్లాన్ చేస్తున్నాడట. ఇందులో ప్రధాన తారాగణం మొత్తం పాల్గొనేలా షెడ్యూల్ సెట్ చేసేందుకు ప్రయత్నాలు జరుగుతున్నాయి.
ఇకపోతే ఏప్రిల్‌లో హరిహర వీర మల్లు రిలీజ్ ఆలస్యం కానుండటంతో, నార్త్ మార్కెట్‌లో కన్నప్పకి మంచి స్థానం దొరికే అవకాశం ఉంది.
సరికొత్త ప్రచార వ్యూహంతో కన్నప్ప పాజిటివ్ బజ్‌ను మరింత పెంచేలా టీమ్ వ్యూహాలు రచిస్తోంది. ట్రైలర్ తర్వాత సినిమా మీద ఇంకెంత ఆసక్తి పెరుగుతుందో చూడాలి.