మూవీడెస్క్: స్టార్ హీరో సూర్య పీరియాడికల్ ఫాంటసీ డ్రామా కంగువా తో ప్రేక్షకులను ఆకట్టుకోవడానికి సిద్ధమవుతున్నాడు.
సిరుతై శివ దర్శకత్వం వహించిన ఈ చిత్రంలో దిశా పటానీ హీరోయిన్‌గా నటిస్తుండగా, భారీ బడ్జెట్‌తో కేఈ జ్ఞానవేల్ రాజా ఈ చిత్రాన్ని నిర్మిస్తున్నారు.
ప్రపంచ వ్యాప్తంగా పది భాషల్లో ఈ చిత్రాన్ని విడుదల చేయడానికి నిర్మాతలు సన్నాహాలు చేస్తున్నారు.
ఇప్పటికే ప్రమోషనల్ కంటెంట్ ద్వారా మంచి హైప్ క్రియేట్ చేశారు. ఇదిలా ఉంటే, కంగువా విడుదలపై ఓ చిక్కు తలెత్తింది.
నిర్మాణ సంస్థపై పాత బకాయిలను తీర్చలేదని రిలయన్స్ ఎంటర్టైన్మెంట్స్ మద్రాసు హైకోర్టును ఆశ్రయించడం వల్ల విడుదల తేదీ వాయిదా పడే అవకాశం ఉంది.
నవంబర్ 7లోగా ఇష్యూ క్లియర్ చేస్తానని నిర్మాత చెప్పడంతో, అప్పటివరకు వెయిట్ చేయాల్సి ఉంటుంది.
మరోవైపు, తెలుగు రాష్ట్రాల్లో కంగువా చిత్రాన్ని ఉదయం 4 గంటలకు ప్రదర్శించేందుకు అనుమతులు పొందాలని చిత్ర బృందం ప్రయత్నిస్తోంది.
సాధారణంగా తెలుగు హీరోల సినిమాలకు మాత్రమే ఈ రకమైన షోలు ఉంటాయి.
కానీ డబ్బింగ్ సినిమాకు ఇలా ప్రత్యేక షోలు పెట్టడం అరుదు.
రజినీకాంత్, విజయ్ వంటి కోలీవుడ్ హీరోల సినిమాలకు కూడా ఈ తరహా షోలు లేవు.
ఈ సారి సూర్య ఈ కొత్త ట్రెండ్ సెట్ చేయబోతున్నాడని అంటున్నారు.
తెలుగులో ఉన్న సూర్య అభిమానులు ఈ ఎర్లీ షోలతో ఎంతగానో ఆసక్తి చూపుతారనే అంచనాలు ఉన్నాయి.
తమిళనాడులో పర్మిషన్ లేనందున, ఆంధ్ర-తమిళనాడు సరిహద్దులోని థియేటర్లకు కోలీవుడ్ అభిమానులు రావొచ్చని భావిస్తున్నారు.
నవంబర్ 14న ఎలాంటి స్పందన వస్తుందనేది ఆసక్తిగా మారింది.