మూవీడెస్క్: సూర్య హీరోగా శివ దర్శకత్వంలో రూపొందిన పాన్ ఇండియా చిత్రం కంగువా నవంబర్ 14న ప్రేక్షకుల ముందుకొచ్చింది.
భారీ బడ్జెట్, గ్రాండ్ విజువల్స్‌తో రూపొందిన ఈ సినిమా మొదటి ఆటకే డివైడ్ టాక్ తెచ్చుకుంది.
కథ, కథనం బలహీనంగా ఉండడంతో ప్రేక్షకులను అలరించలేకపోయిందని విశ్లేషకులు అభిప్రాయపడుతున్నారు.
ఈ సినిమాలో ప్రతినాయకుడి పాత్రలో బాలీవుడ్ నటుడు బాబీ డియోల్ కనిపించారు.
ట్రైలర్‌లో అతని పాత్రకు హైప్ క్రియేట్ చేసినా, సినిమాలో ఆ స్థాయి స్కోప్ కనిపించలేదని ప్రేక్షకులు భావిస్తున్నారు.
కంగువా కోసం బాబీ డియోల్‌కు 5 కోట్ల పారితోషికం ఇచ్చినట్లు సమాచారం. అయితే, అందించిన పాత్ర బాబీ నటనకు పూర్తి స్థాయిలో న్యాయం చేయలేదని విమర్శలు ఉన్నాయి.
బాబీ డియోల్ తాజాగా బాలకృష్ణ డాకు మహారాజ్ సినిమాలో కూడా కీలక పాత్ర చేస్తున్నారు.
ఈ పీరియాడికల్ యాక్షన్ ఎంటర్‌టైనర్‌లో పవర్‌ఫుల్ విలన్ పాత్రలో బాబీ కనిపించబోతున్నారు.
ఈ సినిమా టీజర్‌కు మంచి స్పందన రాగా, బాలయ్యతో కలిసి బాబీ పాత్ర మెప్పిస్తుందన్న అంచనాలు నెలకొన్నాయి.
డాకు మహారాజ్ కోసం కూడా బాబీ 5 కోట్లకు పైగా రెమ్యునరేషన్ అందుకున్నట్లు టాక్.
ఇంతేకాకుండా, బాబీ డియోల్ పవన్ కళ్యాణ్ హరిహర వీరమల్లు చిత్రంలో కూడా ప్రతినాయకుడి పాత్రలో కనిపించబోతున్నారు.
ఈ చిత్రాన్ని 2025 ఏప్రిల్ 10న విడుదల చేయనున్నట్లు ప్రకటించారు.
వరుసగా తెలుగు సినిమాల్లో అవకాశం దక్కించుకుంటున్న బాబీ డియోల్, సౌత్‌లో తన స్థానాన్ని స్థిరం చేసుకోవాలని చూస్తున్నారు.
మరి డాకు మహారాజ్ తో బాబీ డియోల్‌కు ఎంత వరకు గుర్తింపు దక్కుతుందో చూడాలి.