మూవీడెస్క్: పవన్ కళ్యాణ్ తో తొలిప్రేమ వంటి ఎవర్గ్రీన్ హిట్ సినిమాతో టాలీవుడ్ ప్రేక్షకుల మనసుల్లో మంచి గుర్తింపు సంపాదించుకున్న దర్శకుడు కరుణాకరన్.
ఆ తరువాత కూడా అనేక ప్రేమ కథా చిత్రాలతో విజయాలు అందుకున్నారు. కానీ, గత కొన్నేళ్లుగా అతను సినిమాలకు దూరమయ్యారు.
చివరగా 2018లో సాయి ధరమ్ తేజ్‌తో చేసిన తేజ్ ఐ లవ్ యు సినిమా అంచనాలను అందుకోలేక పోయింది.
అయితే, ఇప్పుడు దిల్ రాజు మళ్ళీ కరుణాకరన్‌కి అవకాశం ఇచ్చారు. ఇటీవల కరుణాకరన్ తన స్టైల్‌లో ఓ ప్రేమకథను దిల్ రాజుకు నేరేట్ చేయగా, దిల్ రాజు ఆ కథకు ముగ్ధుడై ఛాన్స్ ఇచ్చినట్లు సమాచారం.
ఈ చిత్రంలో ఆయన ఫ్యామిలీ హీరో ఆశీష్ ప్రధాన పాత్రలో నటించనున్నట్లు టాక్ వినిపిస్తోంది.
దిల్ రాజు బ్యానర్‌లో దొరికిన ఈ అవకాశంతో కరుణాకరన్ తన కంబ్యాక్‌కి సిద్ధమవుతున్నారు.
గతంలో డార్లింగ్ చిత్రంతో ప్రభాస్‌కి హిట్ ఇచ్చిన ఆయన, ఈ సారి ఎలాంటి ప్రేమకథతో ప్రేక్షకుల ముందుకు వస్తారో చూడాలి.