విజయ్ దేవరకొండ, గౌతమ్ తిన్ననూరి కాంబినేషన్‌లో వస్తున్న పాన్ ఇండియా చిత్రం “కింగ్డమ్” తాజాగా విడుదలైన టైటిల్ టీజర్‌తో బజ్‌కి మరింత ఊతమిచ్చింది. మాస్‌, మిస్టరీ అండ్ ఇన్వెస్టిగేషన్ టోన్‌లో రూపొందుతున్న ఈ చిత్రం టీజర్‌లో ఎన్టీఆర్ వాయిస్ ఓవర్ ప్రధాన ఆకర్షణగా నిలిచింది.
ఈ నేపథ్యంలో తారక్ వాయిస్ ఓవర్‌పై విజయ్ దేవరకొండ తాజా వ్యాఖ్యలు సోషల్ మీడియాలో వైరల్‌గా మారాయి. “టీజర్ డైలాగ్స్ రాసిన తర్వాత తారక్ అన్న తప్ప ఆ పాత్రకు న్యాయం చేసే వాయిస్ ఎవరిది అనిపించలేదు. అందుకే ఆయనని అడిగాం. వెంటనే ఆనందంగా ఒప్పుకున్నారు” అని విజయ్ చెప్పాడు.
అంతేకాదు, ఎన్టీఆర్ టీజర్ డబ్బింగ్‌లో చాలా పర్ఫెక్షన్ చూపించారట. “ఒకే డైలాగ్‌కి ఎన్నో వేరియేషన్లు ఇచ్చి, ఒక్కొక్క టేక్ మరొక రేంజ్‌లో తీసారు. ఆయనకు ‘కింగ్డమ్’ ఎంతగా నచ్చిందో అర్థమైపోయింది” అని విజయ్ వివరించాడు. తన తరఫున ఎన్టీఆర్‌కి ప్రత్యేక కృతజ్ఞతలు తెలిపారు.
టీజర్ రీసెంట్‌గా రిలీజ్ అయి యూట్యూబ్‌లో ట్రెండింగ్‌లో కొనసాగుతుండగా, ఎన్టీఆర్ వాయిస్‌తో సినిమాపై ఉన్న అంచనాలు రెట్టింపు అయ్యాయి. విజయ్ అభిమానులంతా ఇప్పుడు ట్రైలర్ కోసం ఆసక్తిగా ఎదురుచూస్తున్నారు.