మూవీడెస్క్: తెలుగు సినీ ఇండస్ట్రీలో తనకంటూ ప్రత్యేక గుర్తింపు తెచ్చుకున్న యంగ్ హీరో కిరణ్ అబ్బవరం (KIRAN ABBAVARAM), తాజాగా క సినిమాతో ప్రేక్షకులను అలరించాడు.
సుజిత్ మరియు సందీప్ దర్శకత్వంలో రూపొందిన ఈ సినిమా, విభిన్నమైన కథాంశంతో ప్రేక్షకుల ముందుకు వచ్చింది.
దీపావళి కానుకగా అక్టోబర్ 31న విడుదలైన ఈ చిత్రానికి మొదటిరోజు నుంచే పాజిటివ్ టాక్ వచ్చింది.
క చిత్రానికి ప్రీమియర్ షోల నుంచే మంచి స్పందన వచ్చింది.
డిఫరెంట్ కాన్సెప్ట్‌తో రూపొందిన ఈ సినిమా మొదటి రోజు ప్రపంచవ్యాప్తంగా రూ.6.18 కోట్ల గ్రాస్ వసూలు చేసింది.
దీంతో కిరణ్ అబ్బవరం కెరీర్‌లోనే అత్యధిక ఓపెనింగ్ వసూళ్లు సాధించిన సినిమాగా నిలిచింది.
ఈ సినిమా ద్వారా కిరణ్ మంచి కంబ్యాక్ ఇచ్చాడని ఫ్యాన్స్ హర్షం వ్యక్తం చేస్తున్నారు.
శ్రీ చక్రాస్ ఎంటర్‌టైన్‌మెంట్ బ్యానర్‌పై చింతా గోపాలకృష్ణా రెడ్డి నిర్మించిన ఈ చిత్రంలో నయన్ సారిక, తన్వీ రామ్ హీరోయిన్లుగా నటించారు.
సామ్ సి.ఎస్ సంగీతం అందించారు. క చిత్రం కిరణ్ కెరీర్‌లో మరో కీలక చిత్రం అవుతుందనే అంచనా ఉంది.