ఐపీఎల్ 2025 సీజన్‌లో కోల్‌కతా నైట్‌రైడర్స్‌కు విజయారంభం దక్కింది. మొదటి మ్యాచ్ RCBతో ఆడి ఓటమి చెందినప్పటికి రెండో మ్యాచ్ లో రాజస్థాన్ రాయల్స్‌పై కేకేఆర్ 8 వికెట్ల తేడాతో ఘన విజయం సాధించింది.
152 పరుగుల ఛేదనలో ఓపెనర్ క్వింటన్ డికాక్ (97 నాటౌట్: 61 బంతుల్లో 9 ఫోర్లు, 4 సిక్స్‌లు) జెట్ వేగంతో ఆడుతూ నెగ్గించాడు. అతనికి రఘువంశీ (22 నాటౌట్) అద్భుతంగా సహకరించాడు.
ఇదివరకు బ్యాటింగ్ చేసిన రాజస్థాన్ నిర్ణీత 20 ఓవర్లలో 9 వికెట్లు కోల్పోయి 151 పరుగులు మాత్రమే చేసింది. టాప్ ఆర్డర్ లో ధ్రువ్ జురెల్ (33) పోరాడగా, జైస్వాల్ (29), రియాన్ పరాగ్ (25) ఓ దశలో హోప్స్ కలిగించారు.
కానీ మిడిల్ ఆర్డర్ బ్యాటర్లు పూర్తిగా విఫలమయ్యారు. చివర్లో జోఫ్రా ఆర్చర్ (16) హిట్టింగ్‌తో స్కోరు 150 దాటింది. కేకేఆర్ బౌలర్లు ప్రెజెన్స్ అఫ్ మైండ్‌తో బౌలింగ్ చేసి రాజస్థాన్‌ను కట్టడి చేశారు. వరుణ్ చక్రవర్తి, మొయిన్ అలీ, వైభవ్ అరోరా, హర్షిత్ రాణా తలో రెండు వికెట్లు తీసి రాజస్థాన్‌కు బ్యాక్‌ఫుట్‌లో నెట్టారు. స్పెన్సర్ జాన్సన్‌కు కూడా ఒక వికెట్ దక్కింది.
ఈ విజయంతో కోల్‌కతా తమ కెప్టెన్సీ మార్పు తర్వాత ఫోకస్‌తో ఆడుతోందనే సంకేతం ఇచ్చింది. డికాక్ బాటింగ్, బౌలర్ల కట్టడి మరోసారి కేకేఆర్‌ను టైటిల్ ఫేవరెట్‌గా నిలబెట్టాయి.