స్పోర్ట్స్ డెస్క్: ఐపీఎల్ 2025 సీజన్‌లో లఖ్‌నవూ సూపర్ జెయింట్స్ తొలి విజయం నమోదు చేసుకుంది. హైదరాబాద్ తో జరిగిన హైస్కోరింగ్ మ్యాచ్‌లో ఎల్‌ఎస్‌జీ 5 వికెట్ల తేడాతో గెలిచింది. 191 పరుగుల లక్ష్యంతో బరిలోకి దిగిన లఖ్‌నవూ 16.1 ఓవర్లలో 5 వికెట్లు కోల్పోయి 192/5తో ఛేదించింది.
పూరన్ (70: 26 బంతుల్లో 6 ఫోర్లు, 6 సిక్స్‌లు), మిచెల్ మార్ష్ (52: 31 బంతుల్లో 7 ఫోర్లు, 2 సిక్స్‌లు) విజృంభించారు.
తొలుత బ్యాటింగ్ చేసిన సన్‌రైజర్స్ హైదరాబాద్ 20 ఓవర్లలో 190/9 స్కోరు చేసింది. ట్రావిస్ హెడ్ (47), అనికేత్ వర్మ (36), నితీశ్ రెడ్డి (32), క్లాసెన్ (26) కాస్త పోరాడారు.
కమిన్స్ 18 పరుగులకే హ్యాట్రిక్ సిక్స్‌లు బాదాడు. శార్దూల్ ఠాకూర్ 4/34తో మెరిశాడు. అతను ప్రారంభంలో రెండు కీలక వికెట్లు తీసి హైదరాబాద్‌ను ఒత్తిడిలోకి నెట్టాడు.
ఇన్నింగ్స్ ఆరంభంలోనే ఇషాన్ కిషన్ గోల్డెన్ డక్‌తో వెనుదిరగడం, అభిషేక్ శర్మ విఫలం కావడం SRHపై ప్రభావం చూపింది. మధ్యలో ట్రావిస్ హెడ్, నితీశ్ రెడ్డి నిలదొక్కుకునే ప్రయత్నం చేసినా లాంగ్ టెర్మ్ ఇన్నింగ్స్ ఆడలేకపోయారు. అనికేత్ మాత్రం సిక్సర్ల వర్షంతో ఆకట్టుకున్నాడు.
లఖ్‌నవూ బ్యాటింగ్‌లో పూరన్, మార్ష్ దూకుడుతో మ్యాచ్‌ను పూర్తిగా ఒక్కసారిగా తమ చేతుల్లోకి తెచ్చారు. హైదరాబాదు బౌలింగ్ దళం ధాటిగా సమాధానం చెప్పలేకపోయింది. చివర్లో అబ్దుల్ సమద్ (22*) చితక్కొట్టడంతో, ఎల్‌ఎస్‌జీ 192/5తో ఘన విజయం సాధించింది.