తెలుగు ప్రేక్షకుల ముందుకు మరో ఫుల్ కామెడీ ఎంటర్టైనర్ రానుంది. మ్యాడ్ సినిమా సూపర్ హిట్ కావడంతో, దాని సీక్వెల్ మ్యాడ్ స్క్వేర్ పై భారీ అంచనాలు నెలకొన్నాయి. దర్శకుడు కళ్యాణ్ శంకర్ మరోసారి కామెడీతో థియేటర్లను కుదిపేయడానికి రెడీ అవుతున్నారు.
మార్చి 28న విడుదల కానున్న ఈ సినిమా ట్రైలర్, పాటలు ఇప్పటికే మంచి స్పందన తెచ్చుకున్నాయి. ఈ సినిమా కోసం ట్రేడ్ వర్గాలు అంచనాలు పెంచాయి. థియేట్రికల్ బిజినెస్‌ను బట్టి చూస్తే, మ్యాడ్ స్క్వేర్ కనీసం రూ. 23 కోట్ల షేర్ వసూలు చేయాల్సి ఉంది.
తెలుగు రాష్ట్రాల్లో బ్రేక్ ఈవెన్ టార్గెట్ రూ. 16 కోట్లుగా ఉంది. అయితే, ఇది రాబిన్ హుడ్‌తో క్లాష్ అవుతున్నప్పటికీ, రెండు సినిమాల టార్గెట్ ఆడియన్స్ వేరు కావడంతో పెద్దగా ప్రభావం ఉండకపోవచ్చు.
ఈ సినిమాకు భీమ్స్‌ సిసిరోలియో మ్యూజిక్ ప్లస్ పాయింట్ అవుతుందనే అంచనాలు ఉన్నాయి. మొదటి షో నుంచే పాజిటివ్ టాక్ వస్తే, మ్యాడ్ స్క్వేర్ బాక్సాఫీస్ వద్ద హిట్‌గా నిలవడం ఖాయం.