మూవీడెస్క్: అనిరుధ్ రవిచందర్, ప్రస్తుతం పాన్ ఇండియా మ్యూజిక్ కంపోజర్‌గా బిజీగా ఉన్నాడు.
తాజా చిత్రాలు ‘దేవర’, ‘కింగ్’, ‘లవ్ ఇన్సూరెన్స్ కంపెనీ’ వంటి సినిమాల కోసం సంగీతం అందిస్తూ, శ్రోతలను అలరిస్తున్నాడు.
ఈ జాబితాలో తెలుగు సినిమా ‘మ్యాజిక్’ కూడా ఉంది.
‘మ్యాజిక్’ చిత్రానికి అనిరుధ్ సంగీత దర్శకుడిగా ఉండటం సినిమాపై ఆసక్తిని పెంచినప్పటికీ, అతడి బిజీ షెడ్యూల్ వల్ల ఈ చిత్రం రిలీజ్ వాయిదా పడే పరిస్థితి ఏర్పడిందని సమాచారం.
డిసెంబర్ 21న విడుదల కావాల్సిన ఈ సినిమాకు అనిరుధ్ ఇంకా పూర్తి స్థాయి సంగీతాన్ని అందించకపోవడంతో, విడుదల తేదీని మరోసారి మార్చే పరిస్థితి వచ్చింది.
సితార ఎంటర్‌టైన్‌మెంట్స్ బ్యానర్‌లో గౌతమ్ తిన్ననూరి దర్శకత్వంలో రూపొందుతున్న ఈ యూత్‌ఫుల్ మ్యూజికల్ డ్రామా యువతను ఆకట్టుకునే కథాంశంతో రాబోతుంది.
అయితే అనిరుధ్‌కు అనేక పెద్ద సినిమాలు లైన్‌లో ఉండటంతో, ‘మ్యాజిక్’ విడుదల మళ్లీ వెనక్కి వెళ్లింది.
దీంతో అనిరుధ్‌పై కొంత విమర్శలు కూడా వినిపిస్తున్నాయి.
తెలుగులో కూడా అనిరుధ్ మ్యూజిక్‌కు మంచి ఫాలోయింగ్ ఉంది.
అయినా, ఈ ఆలస్యాలు అనిరుధ్ ఫ్యాన్స్‌లో నిరాశను కలిగిస్తున్నాయి.
మరి, ఈ చిత్రానికి సంబంధించిన మ్యూజిక్ త్వరగా పూర్తి చేసి, అనిరుధ్ రిలీజ్‌కు ముందే అద్భుతమైన సంగీతాన్ని అందిస్తాడా లేదా అనేది చూడాలి.