మూవీడెస్క్: మహేష్ బాబు- రాజమౌళి సినిమా గురించి సర్వత్రా ఆసక్తి నెలకొంది. ఈ కాంబినేషన్ కోసం ఎప్పటినుంచో అభిమానులు ఎదురుచూస్తున్న విషయం తెలిసిందే.
ఇప్పటివరకు వచ్చిన సమాచారం ప్రకారం, ఈ సినిమా 2025 జనవరిలో సెట్స్‌పైకి వెళ్లే అవకాశం ఉంది.
అఫ్రికా అడవుల నేపథ్యంతో, యాక్షన్ అడ్వెంచర్‌గా ఈ కథ ఉండబోతుందట. ఇది సాధారణ కమర్షియల్ సినిమాలకన్నా ప్రత్యేకంగా ఉంటుందని తెలుస్తోంది.
కథ రచయిత విజయేంద్ర ప్రసాద్ ఇప్పటికే సినిమాకి సంబంధించిన ప్రాథమిక వివరాలు బయటపెట్టారు, ఇవి సినిమాపై మరింత ఆసక్తిని పెంచాయి.
మహేష్ బాబు ఈ చిత్రంలో సరికొత్త పాత్రలో కనిపించబోతున్నాడని వార్తలు వినిపిస్తున్నాయి. ‘SSMB29’ ప్రాజెక్ట్ కోసం విదేశాల్లో షూట్, ప్రీప్రొడక్షన్ పనులు కూడా ప్రారంభం అయ్యాయి.
అంతే కాదు, హాలీవుడ్ నటులను కూడా ఈ సినిమాకు తీసుకురావాలని రాజమౌళి అనుకుంటున్నారట.
ఇదే నిజమైతే, తెలుగు చిత్ర పరిశ్రమలో అంతర్జాతీయ స్థాయి ప్రయోగం చేయబోతున్నట్లే.
మరింత ఆసక్తి కలిగించే విషయం ఏమిటంటే, అక్టోబర్ 10న రాజమౌళి పుట్టినరోజు సందర్భంగా ఈ సినిమాకు పూజా కార్యక్రమాలు జరగవచ్చని టాక్ ఉంది.
ఈ సందర్భంగా అధికారికంగా ఈ ప్రాజెక్ట్‌ను లాంచ్ చేసే అవకాశం ఉన్నట్లు సమాచారం. దీనికి సంబంధించిన అధికారిక ప్రకటన రావాల్సి ఉంది.
అభిమానుల దృష్టి ప్రస్తుతం మహేష్ బాబు-రాజమౌళి కాంబోపై ఉంది. గుంటూరు కారం చిత్రానికి వచ్చిన మిశ్రమ స్పందనతో మహేష్ ఫ్యాన్స్ కొంత నిరాశ చెందుతున్నారు.
కాగా, రాజమౌళి సినిమా విజయంపై మాత్రం వారు పూర్తి నమ్మకంతో ఉన్నారు.