టాలీవుడ్: మహేష్ బాబు ప్రస్తుతం నటిస్తున్న సినిమా ‘సర్కారు వారి పాట’. విజయ్ దేవరకొండ తో ‘గీత గోవిందం’ లాంటి సూపర్ హిట్ సినిమాని రూపొందించిన డైరెక్టర్ పరశురామ్ పెట్ల ఇన్ని రోజులు ఎదురుచూసి మహేష్ బాబు తో సినిమా చేస్తున్నాడు. మహేష్ బాబు కూడా వంశీ పైడిపల్లి, సుకుమార్ తో సినిమాలు కాదని పరశురామ్ తో సినిమా ఒప్పుకున్నాడు. ఈ సినిమాలో మహేష్ ఒక బ్యాంకర్ అని, బిజినెస్ మాన్ అని వార్తలు తిరిగాయి కానీ ఏదీ క్లారిటీ లేదు. ఈ రోజు ఈ సినిమా గురించి ఒక అప్ డేట్ విడుదల చేసింది సినిమా టీం.
ఈ సినిమా ఫస్ట్ లుక్ ని 31 న విడుదల చేయనున్నట్టు మహేష్ బాగ్ పట్టుకుని ఉన్న ఒక పోస్టర్ విడుదల చేసింది. ఒక ఫైట్ ముగించుకున్న మహేష్ ఫేస్ ని సన్ షేడ్ లో కనపడకుండా డిజైన్ చేసారు. ఫస్ట్ లుక్ ని రెండు రోజుల్లో విడుదల చేయనున్నట్టు ‘ఫస్ట్ నోటీస్ ఆన్ 31st జులై’ అని పోస్టర్ విడుదల చేసారు. ఈ సినిమాలో మహేష్ కి జోడి గా కీర్తి సురేష్ నటిస్తుంది.
సక్సెస్ఫుల్ సినిమాలు తీస్తూ టాప్ లీగ్ ఆక్టర్స్ తో డైరెక్టర్స్ తో సినిమాలు నిర్మిస్తున్న మైత్రి మూవీ మేకర్స్, GMB ఎంటర్టైన్మెంట్, 14 రీల్స్ ప్లస్ సంస్థలు బ్యానర్స్ అన్ని కలిసి ఈ సినిమాని నిర్మిస్తుంది. ప్రకాష్ రాజ్, సుబ్బ రాజు, రావు రమేష్, వెన్నెల కిషోర్ ఈ సినిమాలో మరిన్ని పాత్రల్లో నటిస్తున్నారు. ఈ సినిమాకి టాప్ లో ఉన్న సంగీత దర్శకుడు థమన్ సంగీతం అందిస్తున్నాడు. ఈ సినిమాని 2022 సంక్రాంతి కి విడుదల చేయడానికి ఏర్పాట్లు జరుగుతున్నాయి. మొన్ననే పవన్ కళ్యాణ్ కూడా తన సినిమా సంక్రాంతి కి విడుదలవనుంది అని అప్ డేట్ ఇవ్వడం తో ఈ రెండు సినిమాలకి సంక్రాంతి క్లాష్ అవబోతుందని తెలుస్తుంది.