మూవీడెస్క్: సూపర్ స్టార్ మహేష్ బాబు ప్రస్తుతం రాజమౌళి దర్శకత్వంలో తెరకెక్కనున్న భారీ సినిమా SSMB29 కోసం ప్రత్యేకంగా సిద్ధమవుతున్నారు.
మహేష్ బాబు ఇటీవల ఫారిన్ ట్రిప్ కి వెళ్లి, డిఫరెంట్ లుక్ తో తిరిగి వచ్చారు.
లాంగ్ హెయిర్, గెడ్డంతో ఉన్న ఈ లుక్ మహేష్ బాబుకు చాలా కొత్తగా కనిపించింది.
దీంతో ఈ లుక్ రాజమౌళి సినిమాకేనని ఫ్యాన్స్ పక్కాగా అనుకున్నారు.
ఇప్పటి వరకు మహేష్ బాబు ఏ సినిమాలోనూ గెడ్డంతో కనిపించలేదు. ఈ లుక్ కచ్చితంగా సినిమా పై అంచనాలను పెంచుతుందనుకున్నారు.
కానీ ఇటీవల మహేష్ బాబు తన లుక్ సడెన్‌గా మార్చి న్యూ ట్రిమ్ హెయిర్ స్టైల్, క్లిన్ షేవ్ తో కనిపించారు.
కీరవాణి తనయుడు శ్రీసింహా ఎంగేజ్‌మెంట్‌ ఫంక్షన్‌లో మహేష్ ఈ కొత్త లుక్‌లో పాల్గొనడం, ఆ ఫోటోలు సోషల్ మీడియాలో వైరల్ కావడం ఫ్యాన్స్‌ను ఆశ్చర్యపరిచింది.
మొన్నటి వరకు లాంగ్ హెయిర్, గెడ్డం లుక్‌తో మహేష్ ప్రతి పబ్లిక్ ఈవెంట్‌లో కనిపించగా, ఇప్పుడు సడెన్‌గా లుక్ మార్చడంపై ఆసక్తి వ్యక్తమవుతోంది.
దీని వెనుక అసలు కారణం ఏమై ఉండవచ్చనే ప్రశ్నలు వినిపిస్తున్నాయి.
రాజమౌళి సినిమా హీరోల లుక్స్‌ను రివీల్ చేయడంలో చాలా ప్రణాళిక ఉంటుందని అందరికీ తెలిసిందే.
మహేష్ బాబు లుక్ మార్చడమూ రాజమౌళి ఓ సర్‌ప్రైజ్ ప్లాన్‌లో భాగం అయ్యి ఉండవచ్చని అభిప్రాయపడుతున్నారు.
మహేష్ బాబు ప్రస్తుతం SSMB29 వర్క్‌షాప్‌లో పాల్గొంటున్నారు.
షూటింగ్ వచ్చే ఏడాది ప్రారంభం కానుందని సమాచారం.
మహేష్ బాబు లుక్ ఫైనల్‌గా ఎలా ఉండబోతోందనేది సినిమా ప్రారంభం వరకు జక్కన్న రహస్యంగా ఉంచుతారనే భావన అందరిలో ఉంది.