మూవీడెస్క్: మహేష్ బాబు తన తర్వాతి భారీ ప్రాజెక్ట్ కోసం ప్రత్యేకంగా సిద్ధమవుతున్నాడనే విషయంపై టాలీవుడ్ లో అనేక రకాల చర్చలు జరుగుతున్నాయి.
గుంటూరు కారం చిత్రం తర్వాత, ఇప్పుడు ఆయన రాజమౌళి డైరెక్షన్ లో తీయబోయే సినిమాపై ఫోకస్ పెట్టాడు.
ఈ సినిమాతో మహేష్ పూర్తి కొత్త లుక్ లో ప్రేక్షకుల ముందుకు రాబోతున్నాడు. లాంగ్ హెయిర్, గుబురు గడ్డం లాంటి లుక్స్ తో ఇప్పటికే పలు సందర్భాల్లో కనిపించడం కూడా ఈ ఊహాగానాలకు బలం చేకూర్చింది.
ఇప్పటికే పాన్ ఇండియా స్థాయిలో తెరకెక్కుతున్న ఈ సినిమా, విదేశీ భాషల్లో కూడా విడుదల కానుంది.
మహేష్ తన పాత్రకు పూర్తిగా సరిపడేలా మేకోవర్ చేస్తూ ఉండటంతో, అభిమానుల్లో మరింత ఆసక్తి పెరిగింది.
ఈ ప్రాజెక్ట్ పైన ఎప్పటికప్పుడు కొత్త గాసిప్‌లు వినిపిస్తూనే ఉన్నాయి.
మరొక ఆసక్తికరమైన విషయం ఏమిటంటే, మహేష్ ఇప్పటి వరకు నటించిన సినిమాలను హిందీలోకి డబ్ చేయవద్దని ఆయా చిత్రాల నిర్మాతలను కోరారట.
ఈ నిర్ణయం రాజమౌళి సినిమాతో బాలీవుడ్ ఎంట్రీ ఇవ్వాలనే మహేష్ స్ట్రాటజీకి అనుగుణంగా ఉందని అంటున్నారు.
రాజమౌళి క్రేజ్ దృష్ట్యా SSMB29 కి బాలీవుడ్ లో మాంచి క్రేజ్ ఏర్పడింది. దీంతో మహేష్ మునుపటి సినిమాలను హిందిలో డబ్ చేసి రిలీజ్ చేసే అవకాశాలు ఉంటాయి.
కాబట్టి మహేష్ ఒక నిర్మాతలకు ముందే క్లారిటీ ఇచ్చాడు. రాజమౌళి సినిమాతోనే మహేష్ బాలీవుడ్ జనాల ముందుకు రావాలని అనుకుంటున్నాడు.
కాబట్టి ఆ సినిమాకి ఏ విధమైన మైనస్ కాకూడదు అని ఫిక్స్ అయినట్లు తెలుస్తోంది.