మూవీడెస్క్‌: భారత టాలీవుడ్‌ సూపర్ స్టార్ కృష్ణ తనయుడు సూపర్ స్టార్ మహేశ్‌ బాబు కరోనా వైరస్ బారిన పడ్డారు. కరోనా వైరస్ సోకకుండా తగు జాగ్రత్తలు అన్నీ తీసుకున్నప్పటికీ తనకు కోవిడ్ పాజిటివ్‌గా నిర్దారణ అయ్యిందని మహేష్ బాబు స్వయంగా ట్విటర్‌ ద్వారా వెల్లడించారు.
కాగా తాను స్వల్ప లక్షణాలతో ఉన్నట్లు, వైద్యుల సలహాలతో ప్రస్తుతం తన ఇంటిలోనే ఐసోలేషన్‌లో ఉన్నట్లు తెలిపారు. ఈ సందర్భంగా గడచిన కొద్ది రోజులుగా తనను కలిసిన వారందరూ కోవిడ్ టెస్ట్‌లు చేయించుకోవాలని ఆయన సూచించారు.
అలాగే ప్రతి ఒక్కరూ తప్పకుండా కరోనా నిబంధనలను పాటించాలని, అందరూ కోవిడ్ వ్యాక్సిన్‌ను తప్పకుండా తీసుకోవాలని కోరారు. కాగా ఇప్పటికే మహేశ్‌ వదిన, నమ్రతా అక్క అయినా శిల్పా శిరోద్కర్‌కు కూడా కరోనా సోకింది.