పశ్చిమ బెంగాల్: తాజాగా పశ్చిమ బెంగాల్ ముఖ్యమంత్రి మమతా బెనర్జీ కాంగ్రెస్‌పై తీవ్ర స్థాయిలో విమర్శలు చేశారు. 2024 లోక్‌సభ ఎన్నికల్లో కాంగ్రెస్ వైఫల్యం కారణంగానే ఇండియా కూటమి అధికారానికి దూరమైందని మమతా ఆరోపించారు.
అంతర్జాతీయ పుస్తక ప్రదర్శనలో తాను రాసిన మూడు పుస్తకాలను విడుదల చేసిన సందర్భంగా ఈ వ్యాఖ్యలు చేశారు.
ఈ పుస్తకాల్లో మమతా బీజేపీ గెలుపుకు కాంగ్రెస్ నిర్లక్ష్యమే కారణమని పేర్కొన్నారు. ఇండియా కూటమిలో నాయకత్వ పోరాటం వల్ల ఐక్యత దెబ్బతిందని, కూటమి పక్షాల మధ్య సమన్వయం లేకపోవడంతో బీజేపీ బలపడిందని వివరించారు.
బెంగాల్‌లో తమ ప్రభుత్వం అభివృద్ధి కార్యక్రమాలతో ప్రజలకు చేరువవ్వగలిగిందని, కానీ కాంగ్రెస్ నేతృత్వం విఫలమవ్వడంతో దేశవ్యాప్తంగా కూటమి ఘోర పరాజయం పాలైందని అన్నారు.
అంతేకాకుండా, బెంగాల్‌లో సీపీఎం, కాంగ్రెస్ కలిసి తమ పార్టీకి వ్యతిరేకంగా పనిచేశాయని, బీజేపీతో రహస్య ఒప్పందం కూడా చేసుకున్నారని మమతా సంచలన ఆరోపణలు చేశారు.
మిత్రపక్షాల అసమర్థత వల్లే కాంగ్రెస్ ఎక్కువ సీట్లు గెలిచిందని, తృణమూల్ కాంగ్రెస్ మద్దతు లేకపోతే ఇండియా కూటమి మరింత దారుణంగా ఓడిపోయేదని మమతా వ్యాఖ్యానించారు.