మూవీడెస్క్: మలయాళంలో ప్రేమలు సినిమాతో గుర్తింపు పొందిన మమిత బైజు ఇప్పుడు కోలీవుడ్‌లో క్రేజీ ఛాన్సులు సొంతం చేసుకుంటోంది.
ప్రేమలు సినిమాలో ఆమె నటన, అందం కుర్రాళ్లను ఎంతగానో ఆకట్టుకుంది. తెలుగులో కూడా ఈ సినిమా మంచి హిట్ అయ్యింది.
అయితే, మమిత బైజు తెలుగు సినీ ఇండస్ట్రీలో అవకాశాలు అందుకోక ముందే కోలీవుడ్ లో అడుగుపెట్టింది.
జీవీ ప్రకాష్ కుమార్ సరసన రెబల్ సినిమాలో నటించినా, అది పెద్దగా ఆడలేదు. ఆ తర్వాత ఆమె అరుణ్ విజయ్, విష్ణు విశాల్ కాంబినేషన్‌లో ఒక మల్టీ స్టారర్ సినిమా చేస్తోంది.
ఇప్పుడు, మమిత తన కెరీర్‌లో మరో పెద్ద ఆఫర్ అందుకుంది. ఇళయదళపతి విజయ్ 69వ సినిమాలో సిస్టర్ పాత్ర కోసం మమితను ఎంపిక చేసినట్లు సమాచారం.
ఈ ప్రాజెక్ట్ హెచ్ వినోత్ దర్శకత్వంలో భారీ బడ్జెట్‌తో తెరకెక్కనుంది. ఈ సినిమాలో మమిత పాత్రకు ప్రాధాన్యత ఉండబోతుందని, అందుకే ఈ పాత్ర కోసం ఆమెను ఎంపిక చేసినట్లు కోలీవుడ్ వర్గాలు చెబుతున్నాయి.
విజయ్ ప్రస్తుతం వెంకట్ ప్రభు దర్శకత్వంలో GOAT అనే టైం ట్రావెల్ కాన్సెప్ట్ తో సినిమా చేస్తున్నారు.
ఈ ప్రాజెక్ట్ తరువాత హెచ్ వినోత్ ప్రాజెక్ట్ ప్రారంభం కానుంది. ఇది కాకుండా, మమిత బైజు తెలుగు చిత్ర పరిశ్రమలో కూడా ఆఫర్లు అందుకుంటున్నట్లు వినిపిస్తోంది.