మూవీడెస్క్: యంగ్ టైగర్ ఎన్టీఆర్ నటించిన దేవర సినిమా బాక్సాఫీస్ వద్ద మంచి వసూళ్లతో దూసుకుపోతోంది.
దర్శకుడు కొరటాల శివ రాసిన కథ, డైలాగులు ఈ సినిమాకు ప్రధాన బలంగా నిలిచాయి.
కొరటాల శివ తన రైటింగ్‌కి ప్రత్యేక గుర్తింపు కలిగి ఉన్నప్పటికీ, ‘దేవర’ వెనుక మరో రైటర్ కూడా పని చేశాడనే టాక్ ఇప్పుడు వినిపిస్తోంది.
అతనే శ్రీకాంత్ విస్సా. ‘పుష్ప’, ‘వెంకీ మామ’, ‘ఖిలాడి’, ‘డెవిల్’ వంటి సినిమాలకు రైటర్‌గా వర్క్ చేసిన శ్రీకాంత్, కొరటాల శివకి ఈ చిత్రంలో కొన్ని కీలక సన్నివేశాల కోసం సాయం చేశారని సమాచారం.
ఇది కొరటాల శివకు సపోర్ట్‌గా నిలిచింది. కొరటాల తన స్క్రిప్ట్‌లో మరో రచయిత సహకారం తీసుకోవడం ద్వారా సినిమాకు మరింత పకడ్బందీని తీసుకువచ్చారనే అభిప్రాయం ఉంది.
ఇక ‘దేవర 2’ విషయంలో ప్రేక్షకులు ఆసక్తిగా ఎదురు చూస్తున్నారు. కానీ, ఎన్టీఆర్ ప్రస్తుతం ‘వార్ 2’, ప్రశాంత్ నీల్ సినిమాల షూటింగ్‌లో ఉన్నారు.
కొరటాల కూడా మరో ప్రాజెక్ట్ చేయనున్నారని సమాచారం. ‘దేవర 2’ పై మరింత స్పష్టత రావాలంటే వీరి ప్రాజెక్టులు పూర్తయ్యే వరకు వేచి చూడాల్సిందే.