మూవీడెస్క్: మన్మథుడు సినిమా వచ్చి ఏళ్లైనా, దాని క్రేజ్ మాత్రం తగ్గలేదు. ముఖ్యంగా, నాగార్జున ఫ్లాష్‌బ్యాక్‌లో కనిపించే అన్షు పాత్ర కూడా మంచి రెస్పాన్స్ అందుకుంది.
ఆ సినిమాతో మంచి గుర్తింపు తెచ్చుకున్న అన్షు, తర్వాత ప్రభాస్ రాఘవేంద్రలో నటించింది.
అయితే, ఆ సినిమా డిజాస్టర్ కావడంతో మరెక్కడా కనిపించలేదు.
ఇప్పుడే అన్షు మళ్లీ మజాకా సినిమాతో రీ ఎంట్రీ ఇస్తోంది.
తన చిన్న వయసులోనే సినిమాలు చేసిన ఆమె, చదువు కోసం లండన్ వెళ్లిపోయింది.
సైకాలజీలో మాస్టర్ డిగ్రీ పూర్తి చేసి, 25 ఏళ్లకే పెళ్లి చేసుకుంది.
అయితే, కెరీర్‌కు బ్రేక్ వచ్చిన అన్షు తిరిగి ఓ నటిగా బిజీ అవ్వాలని రీ ఎంట్రీ ఇస్తోంది.
దర్శకుడు త్రినాథరావు నక్కిన ఆమెకు మజాకా కథ వినిపించిన తర్వాత, సినిమాకు ఓకే చెప్పింది.
ఈ సినిమాలో రావు రమేష్ ప్రేమించే మధ్యవయస్కురాలిగా కొత్త తరహా పాత్రలో కనిపించనుంది.
మన్మథుడు కోసం 13 రోజులు కేటాయించిన అన్షు, ఈసారి 2 నెలల కాల్షీట్ ఇచ్చింది.
సందీప్ కిషన్, రీతూ వర్మ జంటగా నటించిన ఈ ఎంటర్‌టైనర్ ఫిబ్రవరి 26న శివరాత్రి సందర్భంగా విడుదల కానుంది.
త్రినాథరావు నక్కిన గత హిట్ ధమాకా కంటే ఎక్కువ ఎంటర్టైన్‌మెంట్ అందించనున్నాడట. ఈ సినిమా అన్షు కెరీర్‌కు మళ్లీ మలుపు తిప్పుతుందేమో చూడాలి.