టాలీవుడ్: ఈ ఏడాది ఆరంభం లో క్రాక్ లాంటి సూపర్ సక్సెస్ సాధించిన రవి తేజ వరుస సినిమాలను లైన్ లో పెడుతూ జోరు చూపిస్తున్నాడు. ఈ ఏడాది ఒక సినిమా విడుదల చేసి మరో సినిమా ని జూన్ కి సిద్ధం చేస్తూ ఈ రోజు ఇంకో సినిమా షూటింగ్ మొదలు పెట్టాడు. ప్రస్తుతం చేస్తున్న ఖిలాడీ సినిమాని ‘జూన్ ‘ వరకు విడుదల చేసి మరో సినిమాని సిద్ధం చేసి ఈ సంవత్సరం చివరి వరకు విడుదల చేసే ప్లాన్ లో ఉన్నాడు. నిన్ననే విడుదలైన ఖిలాడీ టీజర్ కి కూడా మంచి స్పందన లభించింది. ఈ సినిమాలో రవి తేజ డ్యూయల్ రోల్ మరియు కొంచెం విభిన్నమైన పాత్ర చేయనున్నట్టు టీజర్ చూస్తే అనిపిస్తుంది.
వీటి తర్వాత రవి తేజ ఒక కొత్త దర్శకుడ్ని పరిచయం చేయనున్నాడు. రవి తేజ కెరీర్ లో ఇప్పటి వరకు చాలా మంది కొత్త దర్శకుల్ని పరిచయం చేసాడు. తెలుగులో కొన్ని సినిమాలకి రచయితగా పని చేసిన శరత్ మండవ ఈ సినిమాతో దర్శకుడిగా పరిచయం అవబోతున్నాడు. ఈ సినిమాలో రవి తేజ కి జోడీ గా ‘మజిలీ’ సినిమాలో నటించిన ‘దివ్యాంశ కౌశిక్’ నటిస్తుంది. చెరుకూరి సుధాకర్ ఈ సినిమాని నిర్మిస్తున్నారు. తమిళ్ లో సూపర్ హిట్ సినిమాలు అందింస్తున్న సామ్.సి.ఎస్ ఈ సినిమాకి సంగీతం అందించనున్నారు. ఈ రోజు షూటింగ్ మొదలు పెట్టిన ఈ సినిమా మే మొదటి వారం నుండి రెగ్యులర్ షూటింగ్ జరుపుకోనుంది.