మూవీడెస్క్: ఐకాన్ స్టార్ అల్లు అర్జున్ నటిస్తున్న పుష్ప 2: ది రూల్పై భారీ అంచనాలు నెలకొన్నాయి.
సుకుమార్ దర్శకత్వంలో రూపొందుతున్న ఈ చిత్రం, 2024 డిసెంబర్ 6న ప్రేక్షకుల ముందుకు రాబోతోందని అధికారికంగా ప్రకటించారు.
మైత్రి మూవీ మేకర్స్ నిర్మిస్తున్న ఈ సినిమా ఆరు భాషల్లో విడుదల అవుతోంది.
మొదటి భాగమైన పుష్ప: ది రైజ్ మంచి విజయాన్ని సాధించడంతో రెండో భాగంపై మరింత ఆసక్తి పెరిగింది.
రష్మిక మందన్న కథానాయికగా నటిస్తుండగా, దేవీ శ్రీ ప్రసాద్ సంగీతం అందిస్తున్నారు. టీజర్, పోస్టర్లతో ఇప్పటికే ప్రేక్షకుల్లో హైప్ పెరిగింది.
తెలుగు మార్కెట్‌తో పాటు హిందీ మార్కెట్‌లోనూ పుష్ప 2పై భారీ అంచనాలు ఉన్నాయి.
ముఖ్యంగా, 2024 డిసెంబర్‌లో పోటీ తీవ్రత తగ్గడంతో ఈ సినిమా కలెక్షన్లలో దూసుకుపోయే అవకాశాలు ఉన్నాయి.
గేమ్ చేంజర్ సంక్రాంతికి వాయిదా పడటం పుష్ప 2కు అనుకూలంగా మారింది.
ఇక చిత్రబృందం విడుదలకు ముందు హైప్ పెంచడానికి భారీ ప్రమోషన్ స్ట్రాటజీని సిద్ధం చేసింది.
ముంబైలో గ్రాండ్ ఈవెంట్‌లో ట్రైలర్‌ను విడుదల చేయాలని ప్లాన్ చేస్తున్నారు.
ఈ కార్యక్రమం ద్వారా బాలీవుడ్ మార్కెట్‌లో క్రేజ్‌ను మరింత పెంచాలని మేకర్స్ భావిస్తున్నారు.
1000 కోట్ల మార్క్ టార్గెట్‌గా ప్రమోషన్‌పై గట్టిగానే ఫోకస్ పెట్టారు. హైదరాబాద్లో వేసిన ప్రత్యేక సెట్‌లో చివరి దశ షూటింగ్ జరుగుతోంది.
మైత్రి మూవీ మేకర్స్ ఈ చిత్రాన్ని బడ్జెట్ పరంగా ఏ మాత్రం రాజీ పడకుండా ప్రమోట్ చేయనుంది.