బాలీవుడ్: అమెజాన్ ప్రైమ్ లో స్ట్రీమ్ అయిన ‘మీర్జాపూర్’ సిరీస్ నార్త్ లో బాగా ఫేమస్. ఈ మధ్య తెలుగు లో కూడా డబ్ చేసి విడుదల చేసారు కానీ తెలుగు వాళ్ళకి పూర్తిగా రీచ్ అవలేదు ఈ వెబ్ సిరీస్. ప్రస్తుతుకం మొదటి సీజన్లో కి కొనసాగింపు గా ‘మీర్జాపూర్ 2 ‘ ని సిద్ధం చేసారు ప్రైమ్ వీడియో టీం. మొదటి సీజన్ ఓటీటీ అభిమానులని విపరీతం గా ఆకట్టుకుంది. ఇందులో పాత్రలు మాట్లాడే బాష బాగా ఫేమస్ అయింది. ఈ రోజు సెకండ్ సీజన్ కి సంబందించిన ట్రైలర్ విడుదల చేసారు. మొదటి పార్ట్ ద్వారా అందులో నటించిన పంకజ్ త్రిపాఠి, అలీ ఫజల్, శ్వేత త్రిపాఠి , దివ్యేందు శర్మ బాగా ఫేమస్ అయ్యారు.
మొదటి పార్ట్ లో లాగానే ఇందులో కూడా వయొలెన్స్ పాళ్ళు ఎక్కువే ఉన్నాయి. మొదటి పార్ట్ లో తమ వాళ్ళని కోల్పోయినందుకు ప్రతీకారం తో రగిలిపోయే పాత్రల్లో అలీ ఫజల్ (గుడ్డు) మరియు గోలు (శ్వేత సోదరి) కనిపిస్తారు. వీళ్ళు ప్రతీకారం ఎలా తీర్చుకుంటారు అనేదే ప్రధాన కథాంశం గా కనిపిస్తుంది. గుర్మీత్ సింగ్ మరియు మిహిర్ దేశాయ్ దర్శకత్వం వహించిన ఈ వెబ్ సిరీస్ ని ఎక్సెల్ మీడియా ఎంటర్టైన్మెంట్ బ్యానర్ పై రితేశ్ సిద్వానీ, ఫర్హాన్ అక్తర్ నిర్మించారు. ఈ వెబ్ సిరీస్ ని అక్టోబర్ 23 నుండి అమెజాన్ ప్రైమ్ వీడియో లో అందుబాటులో ఉంచబోతున్నారు.