మూవీడెస్క్: తమిళ స్టార్ అజిత్ లేటెస్ట్ మూవీ పట్టుదల (విడాముయార్చి) రిలీజ్ తర్వాత మంచి స్పందన తెచ్చుకుంటోంది.
తమిళనాట అజిత్ మాస్ క్రేజ్‌తో ఓపెనింగ్స్ అద్భుతంగా నమోదయ్యాయి.
అయితే, తెలుగు మార్కెట్‌లో మాత్రం ఈ సినిమాపై అంచనాలు తక్కువగా ఉండటంతో పెద్దగా ప్రభావం చూపించలేకపోయింది.
హాలీవుడ్ స్టైల్ కథ నేపథ్యంలో ఉండటంతో, మాస్ ఆడియెన్స్‌కు పూర్తిగా కనెక్ట్ కాలేదని ట్రేడ్ వర్గాలు భావిస్తున్నాయి.
ఈ సినిమా విజయంతో మైత్రి మూవీ మేకర్స్‌కు గోల్డ్ మైన్ లాంటి ఛాన్స్ దక్కింది. అజిత్ తదుపరి చిత్రం గుడ్ బ్యాడ్ అగ్లీ కూడా వీరే నిర్మిస్తున్నారు.
ఈ సినిమాలో అజిత్ ఊర మాస్ లుక్‌లో కనిపించబోతున్నారని టాక్. ఇక, సినిమా రిలీజ్‌కు ముందే భారీ బిజినెస్ చేసే అవకాశముందని కోలీవుడ్ వర్గాలు చెబుతున్నాయి.
గుడ్ బ్యాడ్ అగ్లీ సినిమా ఏప్రిల్ 10న విడుదల కానుండగా, మైత్రి మూవీ మేకర్స్ త్వరలోనే ప్రమోషన్స్ స్టార్ట్ చేయనున్నారని సమాచారం.
దేవిశ్రీ ప్రసాద్ సంగీతం, జివి ప్రకాష్ బ్యాక్‌గ్రౌండ్ స్కోర్ ఈ సినిమాకు మరింత క్రేజ్ తెచ్చే అంశాలు.
ఇప్పటివరకు కథ గురించి అఫీషియల్ అప్డేట్ రాకపోయినా, అజిత్ ఇందులో డ్యూయల్ రోల్ చేస్తారని టాక్.
ఇది ప్రేక్షకుల్లో భారీ ఆసక్తిని రేకెత్తిస్తోంది. కోలీవుడ్ ట్రేడ్ వర్గాల అంచనా ప్రకారం, ఈ సినిమా 100 కోట్ల ఓపెనింగ్ సాధించే ఛాన్స్ ఉందని భావిస్తున్నారు.
మరి మైత్రి మూవీ మేకర్స్ ఈ క్రేజ్‌ను ఎంతవరకు క్యాష్ చేసుకుంటారో చూడాలి.