మూవీడెస్క్: అక్కినేని నాగ చైతన్య (NAGA CHAITANYA) ప్రస్తుతం గీతా ఆర్ట్స్ 2 బ్యానర్‌లో చందూ మొండేటి దర్శకత్వంలో ‘తండేల్’ సినిమాను చేస్తున్నాడు.
సాయి పల్లవి జోడీగా నటిస్తున్న ఈ సినిమా, రియలిస్టిక్ కథాంశంతో రూపొందుతోంది.
బన్నీ వాస్ భారీ బడ్జెట్‌తో నిర్మిస్తున్న ఈ ప్రాజెక్ట్‌పై చైతన్య చాలా ఆశలు పెట్టుకున్నాడు.
ఇది చైతూ కెరీర్‌లోనే అత్యధిక బడ్జెట్‌తో తెరకెక్కుతున్న చిత్రం. దేవిశ్రీ ప్రసాద్ సంగీతం అందిస్తున్న ఈ సినిమా తర్వాత చైతన్య కొత్త ప్రాజెక్ట్‌పై ఆసక్తి పెరిగింది.
తాజాగా, చైతన్య తదుపరి చిత్రం గురించి ఆసక్తికర వార్తలు వెలుగులోకి వచ్చాయి.
‘విరూపాక్ష’ సినిమాతో 100 కోట్ల క్లబ్‌లో చేరిన దర్శకుడు కార్తీక్ దండు, నాగ చైతన్యతో యాక్షన్ థ్రిల్లర్ రూపొందించనున్నాడట.
కార్తీక్ దండు ఇటీవల చైతన్యకు కథ వినిపించగా, స్టోరీ నచ్చడంతో ప్రాజెక్ట్‌ ఫైనల్ అయినట్లు సమాచారం.
ఈ సినిమా డిసెంబర్ 11న పూజా కార్యక్రమంతో ప్రారంభం కానుందని, త్వరలోనే షూటింగ్ మొదలవుతుందని తెలుస్తోంది.
బీవీఎస్‌ఎన్ ప్రసాద్ ఈ చిత్రాన్ని భారీ స్థాయిలో నిర్మించనున్నాడు. టెక్నికల్ టీమ్ ఇప్పటికే ఫైనల్ అయ్యిందట.
‘తండేల్’ తర్వాత చైతన్య ఈ ప్రాజెక్ట్‌ను సెట్స్‌పైకి తీసుకెళ్లాలని చూస్తున్నాడు.
విరూపాక్ష తరహాలోనే కంటెంట్ ఓరియెంటెడ్ యాక్షన్ థ్రిల్లర్‌గా ఈ సినిమా ఉండబోతోందట.